وزیر خارجہ شاہ محمود قریشی نا چین نا کمکار وزیر خارجہ کونگ ژوان ژوتون ہیت وگپ

وزیر خارجہ شاہ محمود قریشی نا چین نا کمکار وزیر خارجہ کونگ ژوان ژوتون ہیت وگپ

اسلام آباد(پاکستان پوائنٹ نیوز11دسمبر 2018ء) وزیر خارجہ شاہ محمود قریشی پارینے کہ پاکستان و چین نا نیام اٹ دودوربیدگی، تاریخی و ادارہ جاتی کہول آ تعلقداریک ءُ، ہڑتوم آ ملک آتا نیام اٹ تعلقداریک داسہ سدابہار سٹریٹجک کمکاری و شریداری ٹی بدل مسنو۔ وزیراعظم عمران خان نا ساڑی آ سرسہب چین نا دورہ ہڑتوم آ ملک آتا نیام اٹ ہڑتوم آ کنڈآتا تاریخی تعلقداری تے ٹی مزل نا نشان ءِ۔

اوداہیت ءِ دوشنبے نادے داڑے چین نا کمکار وزیر خارجہ کونگ ژوان ژو تون وزارت خارجہ ٹی اوڑدہی ٹی ہیت وگپ کرسا پارے۔ وزیر خارجہ شاہ محمود قریشی کمکار چینی وزیر خارجہ ءِ پاک چین ہڑتوم آ کنڈآتا سیاسی سلابت نا سرسہب اڈتننگ آ مبارکبادی تس۔ اوپار ے کہ پاکستان و چین نا نیام اٹ دودوربیدگی، تاریخی و ادارہ جاتی کہول آ تعلقداریک ءُ، ہڑتوم آ ملک آتا نیام اٹ تعلقداریک داسہ سدابہار ، سٹریٹجک کمکاری، شریداری ٹی بدل مسنو۔

وزیر خارجہ وزیراعظم عمران خان نا ساڑی آ سرسہب چین نا دورہ نا ذکر ءِ کرسا پارے کہ دا ہڑتوم آ ملک آتا نیام اٹ ہڑتوم آ کنڈآتا تاریخی تعلقداری تا سنگ میل ءِ و داڑآن ہڑتوم آ ملک آتا نیام اٹ ہڑتوم آ کنڈآتا تعلقداری و پت و سنگتی نا رشتہ پین سوگو مسنے۔ وزیر خارجہ پارے کہ پاک چین اقتصادی راہداری ہڑتوم آ ملک آتا نیام اٹ ہڑتوم آ کنڈآتا تعلقداری تا اسہ پین درشانی اسے۔

اوسی پیک نا رداٹ ڈٹ آتے ہڑتوم آ لک آتا سرکڑدہ غاتا وژن نا رداٹ پورو کننگ نا عزم انا اعادہ ءِ کرے۔ وزیر خارجہ پارے کہ او چین ، اوغانستان ، پاکستان سہ کڑدہ ہی وزیر خارجہ نا ارٹ میکو دیوان، ہرا 15دسمبر آ کابل اٹی مننگ ءِ، ٹی بشخ ہلنگ نا است خواہ ءِ ، چین نا کمکار وزیر خارجہ داوخت آ پارے کہ چین پاکستان تون تینا تعلقداری تے بے کچ اہمیت ایتک۔

اوہڑتوم آ ملک آتا نیام اٹ تعلقداری تیا است جمی نا درشانی ءِ کرے و سیاسی، اقتصادی ، دفاع و دودوربیدگی بشخ آتے ٹی تعلقداری تے پین ودفنگ نا گرج آ زور شاغا۔ اوقومی شونداری نا ہدف آتا دوئی کن پاکستان نا کوشست آتا ستاءِ کرے و دارداٹ تینا پورو مخ تفی نا باوری ترفے۔ اوڑدہی ٹی ہڑتوم آ راہشونک علاقائی حالیت و تین پہ تینی است خواہی نا کثیر الجہتی معاملہ غاتیا گپ و تران کریر۔ ہڑتوم آ راہشونک پاکستان و چین نا نیام اٹ اسٹریٹجک ، رابطہ کاریءِ ودفنگ و غٹ کہول آتیا رابطہ غاتے مون آ دننگ آہم امنا کریر۔