کم شون ہلوک علاقہ غاتے اولیت تننگ حکومت نا پالیسی ءِ ، سی پیک انا دیکی روٹ آ ترندی اٹ کاریم برجاءِ، بنجائی وزیر ڈٹ بندی، شونداری و اصلاحات خسرو بختیار

کم شون ہلوک علاقہ غاتے اولیت تننگ حکومت نا پالیسی ءِ ، سی پیک انا دیکی روٹ آ ترندی اٹ کاریم برجاءِ، بنجائی وزیر ڈٹ بندی، شونداری و اصلاحات خسرو بختیار

اسلام آباد(پاکستان پوائنٹ نیوز11دسمبر 2018ء) بنجائی وزیر ڈٹ بندی ، شونداری و اصلاحات خسرو بختیار سی پیک انا دیکی روٹ انا بابت شینک مروک آ خبر آتے مسترد کرسا پارینے کہ سی پیک نا دیکی روٹ آ ترندی اٹ کاریم برجاءِ۔ دوشنبے نادے بنجائی وزیر تینا بیان اٹی پارے کہ سی پیک نا دیکی بشخ بلوچستان آن مرسا کے پی کے نا کم شون ہلوک علاقہ غاتے ملفک، دابشخ اٹی پارک۔

ژوب 210کلومیٹر، پشاور۔برہان، ہکلہ ۔پارک۔ ڈی آئی خان۔مغل کوٹ۔ژوب۔کوئٹہ۔سوراب۔بسیمہ ۔ہوشاب و گوادر سیکشن آ جوڑ کننگ نا کاریم ترندی اٹ برجاءِ، ہرا 2019 ء ٹی پورو مریک۔ اوپارے کہ دیکی بشخ یارک۔ڈی آئی خان۔ژوب سیکشن اپریل 2017 ء ٹی ایکنک منظوری ءِ تسوسس و داڑکن فنڈ ہم جتاکننگاسس۔ ایلو ماندہ 2بشخ ژوب۔کچلاک۔کوئٹہ/کوئٹہ۔سوراب نا فزیبلیٹی سٹڈی تیار کننگ انگ ءِ۔

اوپارے کہ کم شون ہلوک علاقہ غاتے اولیت تننگ ننا حکومت نا اولی پالیسی ءِ و داعلاقہ غاتا شون ہلنگ آن نیزگاری ٹی خاطرخواہ کمتی بریک۔ اوپارے کہ بلوچستان اٹی سی پیک نا رداٹ بھاز انگا ڈٹ آتا بناءِ کننگ انگ ءِ ہرا جتا مرحلہ غاتے ٹی ءُ ہرافتے ٹی خضدار۔بسیمہ این 30 روڈ، نوکنڈی ۔ماشوخیل۔پنجگورہرا ایم 8 و این 85ءِ گنڈوک آ روڈ، پٹ فیڈر کینال آن کوئٹہ واٹر سپلائی اسکیم، کوئٹہ ماس ٹرانزٹ اسکیم، بوہستان انڈسٹریل زون، 1320 میگاواٹ کول پاور پلانٹ حب، 300 میگاواٹ گوادر پاور پروجیکٹ، گوادر ، ایسٹ بے ایکسپریس وے ، گوادر انٹرنیشنل ایئر پورٹ، بریک واٹر نا جوڑ کننگ،انفراسٹرکچر فری زون و ای پی زیزپورٹ آ تعلقدار صنعت آک و ایلو آسراتیک اوار ءُ۔

اوپارے کہ گوادر اٹی صاف دیر انا فراوانی ، پاک چائنہ فرینڈ شپ ہسپتال گوادر، ٹیکنیکل اینڈ ووکیشنل اسکول گوادر و گوادر سمارٹ پورٹ سٹی آ ہم کاریم مننگ ءِ۔