پولیو اسہ خراب ءُ ناجوڑی اسے ہرانا چٹفنگ کن حکومت جنگی بنداو تیا کاریم کننگءِ، ڈپٹی کمشنر ہرنائی عظیم جان دمڑ

پولیو اسہ خراب ءُ ناجوڑی اسے ہرانا چٹفنگ کن حکومت جنگی بنداو تیا کاریم کننگءِ، ڈپٹی کمشنر ہرنائی عظیم جان دمڑ

ہرنائی(پاکستان پوائنٹ نیوز11دسمبر 2018ء) ڈپٹی کمشنر ہرنائی عظیم جان دمڑ پارینے کہ پولیو اسہ خراب ءُ ناجوڑی اسے ہرانا چٹفنگ کن حکومت جنگی بنداو تیا کاریم کننگ ءِ، انسداد پولیو مہم نا سرسہبی کن عالم دین، بلدیاتی نمائندہ، سیاسی جماعت آک ، استاد ، طالب علم آک، پوریا گرو زمیندار آتون اوار راج انا ہر بندغ تینا کڑد ءِ ادا کرسا انسداد پولیو پڑی کنفوک آ ٹیم آتون پبی کمک کیر تانکہ اسہ ہم علاقہ اسے ٹی اسہ ہم چناس انسداد پولیو نا پڑی کننگ آن سلپ۔

داخیال آتا درشانی ءِ او ضلعی ہیڈکوارٹر ہسپتال ہرنائی ٹی انسداد پولیو مہم نا بنائی دود آن تران کرسا کرے دود آن ڈسٹرکٹ ہیلتھ آفیسر ڈاکٹر عبدالرشید ناصر، ایم ایس ڈاکٹر فاضل بگٹی ، اسسٹنٹ کمشنر ہرنائی کلیم اللہ ئسک ہم تران کریر وخت اس کہ دود اٹی بلدیاتی نمائندہ ، عالم دین ، استاد ، ضلعی آفیسر ، ہندی صحافی، پیرامیڈیکس و ڈاکٹر آک بھلو کچ اسے ٹی ساڑی ئسر۔