پولیو اسہ خراب ءُ ناجوڑی اسے، لمہ و باوہ تینا چناتے پولیو آن بچفنگ نا پڑی کنفسا اوفتے مچ آ زند انا معذوری آن بچفر، ڈپٹی کمشنر شیرانی عبدالخالق مندوخیل

شیرانی (پاکستان پوائنٹ نیوز11دسمبر 2018ء) ڈپٹی کمشنر شیرانی عبدالخالق مندوخیل پارینے کہ پولیو اسہ خراب ءُ ناجوڑی اسے ، راج انا ہر بندغ ءِ داخراب انگا ناجوڑی نا برخلاف تینا پبی کڑد ءِ بایدے ادا کروئی مرے، لمہ و باوہ تینا چناتے پولیو آن بچفنگ نا پڑی کنفسا اوفتے مچ آزند انا معذوری آن بچفر۔ داخیا ل آتا درشانی ءِ او پولیو مہم نا بناءِ کننگ آن پد اڈ ہلوک آ دود آن تران کرسا کرے۔

ڈی ایچ او شیرانی عارف شاد و محکمہ جان جوڑی نا اسٹاف ہم اوڑتون اوار ئسر۔ داوخت آ اوچناتے پولیو نا پڑی ہم کنفے۔ ڈپٹی کمشنر شیرانی عالم دین، استاد و لمہ و باوہ و سول سوسائٹی آ زورشاغسا پارے کہ او الس اٹی پولیو نا خراب انگا ناجوڑی نا بارواٹی پین شعور آگاہی ودی کیر، اوپارے کہ پولیو نا بابت ضلع شیرانی نا انتظامیہ نا کارکڑد بے کچ جوان ءِ، غٹ ٹرانزٹ پوائنٹ آتیا ہم چناتے رکھی پڑی کنفنہ۔ ڈپٹی کمشنر مستی پارے کہ راج انا ہر مکتبہ فکر انا خلقت پولیو نا چٹفنگ کن تینا پبی کڑد ءِ ادا کیر۔