الیکشن کمیشن نا باسک عبدالغفور سومرو و جسٹس (ر) شکیل احمد بلوچ 26جنوری آ تینا عہدہ غان دزکش مریرہ

اسلام آباد (پاکستان پوائنٹ نیوز11دسمبر 2018ء) الیکشن کمیشن نا باسک عبدالغفور سومرو وجسٹس (ر) شکیل احمد بلوچ 26جنوری 2019 ء آ تینا عہدہ غان دزکش مریرہ وخت اس کہ کمیشن نا ایلو 2باسک آک تینا پنچ سالہ مدءِ پورو کیرہ۔ الیکشن کمیشن دوشنبے نادے کمیشن نا چار باسک آتیان 2باسک آتا دزکش مننگ نا بابت قرعہ اندازی کننگا ہرانا کماشی ءِ چیف الیکشن کمیشن جسٹس (ر) سردار محمد رضا کرے۔ دیوان اٹی کمیشن نا ہر چار آ باسک آک، سیکرٹری الیکشن کمیشن، سیکرٹری کانود و سیکرٹری پارلیمانی امور بشخ ہلکر۔ داٹی پک مروک وڑوڈول انا رداٹ قرعہ اندازی کننگا ہراٹی سندھ و بلوچستان آن باسک آتا پن قرعہ اندازی پیش تما ہرا 26جنوری 2019 ء آ تینا عہدہ غان دزکش مریرہ۔