سپیکر بنجاہی اسمبلی اسد قیصر ءِ سپیکرز کانفرنس ءِ موہ ءَ ایرانی صدر ڈاکٹر حسن روحانی ،اوگانستان ءِ سپیکر ،چین ءِ اسٹینڈنگ کمیٹی ءِ وائس چیئرمین ءُُ روسی پارلیمنٹ ءِ چیئرمین ءِ گند ءُُ نند

اسلا م آباد(پاکستان پوائنٹ نیوز10دسمبر 2018ء) سپیکر بنجاہی اسمبلی اسد قیصر ءَ گوشت کہ امن ءُُ دیمروئی ءِ ھاطر پاکستان وتی ھمساھگ ءُُ دمگ ءِ دگہ ملکاں گوں سیادی ءَ را ودکی دیگ لوٹگ انت۔اے درگت ءَ اُلسی ءُُ پارلیمانی رھوت ءِ ھوار معاشی کمک ھم وھد ءِ ھاسیں ضلورت انت۔آہاں یک شمبے ءَ تہران ءِ تہ برجمیں دومی سپیکرز کانفرنس ءِ ساعت ءَ ایرانی صدر ڈاکٹر حسن روحانی ،افغانستان ءِ وولسی جرگہ ءِ سپیکر عبدالروف ابراہیمی ،چین ءِ اسٹینٹدنگ کمیٹی ءِ وائس چیئر مین چن ژو ءُُ روسی پارلیمنٹ ءِ چیئرمین VyacheslavV.Volodin ءِ گوما وتی جتاجتاھیں گند ءُُ نندانی ساعت ءَ کتگ ات۔

ایرانی صدر ءِ گوما گپ ءُُ تران کنان ءَ اسد قیصر ءَ گوشت کہ پاکستان ءُُ ایران ءِ میان ءَ دیریگیں سیادی انت ہمہ کہ وت مہ وتی دوستی ،راجدپتری رھوتاں،ربیدگی،رویات ءُُ رسم ءُُ رواج ءَ ھوار انت۔آہاں اے موہ ءَ ایرانی سپریم لیڈر ءِ نیمگا چہ کشمیر ءِ پلہ مرزی ءَ داتگیں انوگیں بیان ءِ سرا منت گپتگ انت ءُُ گوشت کہ پاکستان ایرانی حکومت ءِ نیمگا چہ کشمیر ءِ جیڈھ ءِ ھوالہ پاکستان ءِ پلہ مرزی ءَ شرپ ءِ چماں چارگ انت۔ایرانی صدر ڈاکٹر حسن روحانی ءَ پاکستانی ڈل ءِ وش اتک کنان ءَ ایران پاکستان ءَ را وتی یک ھاسیں براتیں اسلامی ملک سرپد کنگ انت۔آہاں پاکستان ءُُ ایران ءِ میان ءَ بیئپار ،ھاٹیگ ءُُ سیکیورٹی ءِ تک ءَ یک دومیگ ءِ گوما کمک کنگ ءِ سرا زور مان کتگ۔(ن۔ا۔ج)