کراچی (پاکستان پوائنٹ نیوز10دسمبر 2018ء) مزن وزیر عمران خان ءَ گوشت کہ پاکستان تحریک انصاف ء ِ حکومت ملک ءِ تہ بیئپار ءُُ سرمایہ کاری ءِ ودکی ءُُ رکھگ لوٹگ انت،بیئپار ،سرمایہ کاری ءُُ برآمدات ءِ پراھی ءِ ھاترا بیئپارانی ءُُ زرکارانی صلاح ءِ ھیرمقدم کنگ بیت۔مزن وزیر ءَ اے ھیالانی درشان یک شمبے ءَ ادا پاکستان اسٹاک ایکسچینج ءِ چیئرمین سلیمان مہدی ءِ سروکی ءَ سٹاک ایکسچینج ءِ اگدھ داراں ءُُ اسٹاک بروکرز ءِ سرا ھوار ڈل ءِ گوما گپ ءُُ تران ءِ ساعت ءَ گوشتگ ات۔
ھزانگ وزیر اسد عمر ، وزیر منصوبہ بندی مخدوم خسرو بختیار ، وزیر آبی وسیلگ فیصل واوڈا، وزیر بحری امور علی زیدی، وزیر انفارمیشن ٹیکنالوجی ڈاکٹر خالد مقبول صدیقی ، گورنر سندھ عمران اسماعیل، وزیر مملکت حماد اظہر، مزن وزیر ءِ صلاحکار ڈاکٹر عشرت حسین، مزن وزیر ءِ ھاسیں کمکار نعیم الحق ءُُ افتخار درانی ھم گند ءُُ نند ءِ تہ ساڑی ات۔مزن وزیر ءَ گوشت کہ مئے حکومت یک دگہ سوچ ءُُ بچار زرت اتکگ انت،مہ بزنس ءُُ سرمایہ کاری ءِ ودکی،رکھگ ءُُ مارکیٹ ءِ تہ گہبودی آرگ ءِ واھگدار انت۔
آہاں ڈلے گوما گپ ءُُ تران کنان ءَ گوشت کہ شمے کرءَ اے ھاترا اتکگ اوں کہ شمہ مارا صلاح ءَ دیت۔آہاں گوشت کہ ڈن ملکانی سرمایہ کار پاکستان ءِ تہ سرمایہ کاری ءِ تہ جہلانکیں دلچسپی ءِ درشان کنگ انت۔مزن وزیر ءَ لہتیں صلاح من اتگ انت۔ڈل ءَ حکومت ءِ مالیاتی پالیسی ءِ سرا حکومت ءَ سرجم کمک ءِ سدکی داتگ۔گند ءُُ نند ءِ تہ ٹیکس بیس ءَ را گیش کنگ،اسٹاک مارکیٹس ءِ تہ انفارمیشن ٹیکنالوجی ءِ کارمرزیءُُ درکانودی ادائیگی آنی گرودار ءِ سرا تپاکی کتگ۔
ایشی ءَ چہ پیسر ءَ مزن وزیر عمران خان یک روچیں تروتاب ءِ سرا کراچی ءَ سربوتگ ات تو گورنر سندھ عمران اسماعیل ءُُُ گلے راھشوناں ایشان وش اتک کتگ۔مزن وزیر ءِ گوما گورنر ہاوس ءِ تہ گورنر سندھ عمران اسماعیل ءَ گند ءُُ نند کتگ ءُُ گوں آہاں صوبگ ءِ دیمروئی ءِ باروا ھیال ریچی کتگ۔(ن۔ا۔ج)
