پولیو ءِ گرودار ءِ ھاترا سال ءِ گڈی جنز(مروچی) بناء بیت ،جنزءِ تہ 3 کروڑ80 لکھاں چہ گیش زھگاں را پولیو ءِ ترمپ وارینگ بنت

اسلام آباد (پاکستان پوائنٹ نیوز10دسمبر 2018ء) پولیو ءِ گرودار ءِ ھاترا سال ءِ گڈی جنز (مروچی) دوشمبے ءَ بناء بوھگ انت،10دسمبر چہ بنا بیوکیں جنز ءِ تہ 3 کروڑ80 لکھ ءَ چہ گیش زھگاں را پولیو ءِ ترمپ وارینگ بنت۔گوزوکیں سال ءَ سرجمیں ملک ءِ تہ پولیو ءِ ھشت کیسز دیما اتکگ ات۔پولیو گرودار ءِ ھاترا مزن وزیر ءِ فوکل پرسن بابر بن عطا ءَ گوشت کہ آہاں والدین ءِ سرا زور مان کت کہ پولیو جنز ءِ تہ وتی زھگاں را پولیو ءِ دو ترمپ ءَ الم وارینت ات۔راجی ایمرجنسی سنٹر برائے پولیو گرودار اسلام آباد چہ جاڑی بیان ءِ ردا چارروچیں پولیو جنز ءِ تہ 2لکھ70ہزار صحت محافظ بہر زورگ انت۔صحت محافظ گس گس ءَ روت ءُُ ودی بوھگ چہ بگر داں پنچ سال ءِ زھگاں را پولیو ءِ ترمپ ءَ وارین انت۔(ن۔ا۔ج)