اسلام آباد (پاکستان پوائنٹ نیوز10دسمبر 2018ء) وزیر مملکت برائے پارلیمانی امور علی محمد خان ءَ گوشت کہ پاکستان تحریک انصاف ءِ حکومت احتساب ءِ حق ءَ انت۔ احتساب ءِ کار ابید پرک ءِ دیما برگ بیت۔یک شمبے ءَ یک گلگدار ءِ تہ آہاں گوشت کہ نیب آزات ءُُ وت واکیں ادارگ انت، حکومت ءِ نیب ءِ معاملہاں گوں ہچ سیادی نیست انت۔نیب ءِ اَستیں چیئرمین ءِ تقرری پیسریگیں حکومت ءَ کتگ ات،مملکتی وزیر ءَ گوشت کہ شریف کہول ءِ ھلاپ ءَ ریفرنسزءُُ پاکستان پیپلز پارٹی ءِ سروکانی ھلاپ ءَ کیسز مسلم لیگ (ن) ءِ حکومت ءِ تہ شنگ بوتگ ات۔
وزیر مملکتءَ گوشت کہ پاکستان تحریک انصافءِ حکومت نوکیں پاکستان ہاؤسنگ سوسائٹی ءُُ دگہ گریبءُُ راجدوست پروگرام بناء کنگ انت۔مزن وزیر عمران خان ءَ جہلی ءُُ مڈل کلاس تبکاں گوں سیادی داروکیں بے گسیں مردمانی ھاترا پناھ جاھانی جوڈ کنگءِ منصوبگ ءِ ھم بنگیجی کتگ۔یک جستے پسو ءَ آہاں گوشت کہ حکومت ابید پرک ءِ احتساب ءِ سرا سدکی ایر کنگ انت۔
ہمہ مردم کہ منی لانڈرنگ ءَ ھوار ات آہانی ھلاپ ءَ کارروائی بوھگ لوٹ ایت۔آہاں گوشت کہ ایف آئی اے راجی ادارگ انت ءُ جعلی اکاونٹ ہولڈرزءِ ھوالہ ءَ گوں دراھ پٹ ءُُ پول اے ادارگ ءَ را کنگ لوٹ ایت۔یک جستے پسو ءَ آہاں گوشت کہ پی ٹی آئی اقرباء پروری ءِ ھلاپ انت،سپیکر بنجاہی اسمبلی ،سر وزیر کے پی کےءُُ دگہ اُلسی اگدھدارانی تعیناتی کنگ بوتگ ات آں میرٹ ءِ ردا انت ایشاں چہ کسے ھم پی ٹی آئی ءِ گلے گوما رشتہ داری نیست انت۔آہاں گوشت کہ حکومت ایوکا راجی ادارگہانی مھکم جوڈ کنگ انت ۔(ن۔ا۔ج)
