اسلام آباد (پاکستان پوائنٹ نیوز10دسمبر 2018ء) ورناہانی معاملاہانی ھاترا مزن وزیر ءِ ھاسیں کمکار عثمان ڈار ءَ گوشت کہ پاکستان تحریک انصاف ءِ حکومت آزات ءُُ سوگو راجی ھسابداد بیورو ءَ لوٹگ انت،ہمہ کہ ابید پرک ءِ درستانی احتساب ءَ کن ایت۔یک شمبے ءَ یک گلگدار ءِ تہ آہاں گوشت کہ حکومت دراھیں سیاسی گلاں گوں شئور ءُُ صلاح ءَ گوں نیب ءِ کانود ءِ تہ بدلی ءِ ھاترا ساجو انت تنکہ اے ادارگ ءِ معاملہاں کسے ھم دست مانجنی ءَ کت مہ کن ایت۔
پاکستان تحریک انصاف ءِ حکومت ءِ تہ نیب ءِ امور ءِ تہ ہچ دست مانجنی کنگ مہ بیت۔یک جست ءِ پسو ءَ آہاں گوشت کہ بدبہتی چہ اراضی،کشت ءُُ کشاری اراضی ءُُ کاگدانی مینیوئل بوھگ انت چریشی ءَ نیب ءَ را کرپشن ءِ ھلاپ ءَ کیسانی پٹ ءُُ پول ءِ تہ وھد ءِ ضلورت بوھگ انت۔ شریف ھاندان ءِ کیسانی باروا جست ءِ پسو ءَ آہاں گوشت کہ پاکستان تحریک انصاف ءِ حکومت سیاسی ساڑ ءُُ بیسہ ءِ سرا سدکی ءَ نہ ایر کنگ انت، شریف ھاندان ءِ ھلاپ ءَ کیسز گوستگیں حکومت ءِ دور ءِ تہ بناء بوتگ ات۔
آہاں گوشت کہ اے وڈ ءَ پیسریگیں دری کارانی وزیر خواجہ آصف ءِ ھلاپ ءَ منی لانڈرنگ کیس ءِ تہ پٹ ءُُ پول گوستگیں حکومت ءَ بناء بوتگ ات وھدیکہ آں وت بنجاہی وزیر ات۔ پی اے سی ءِ چیئرمین شپ ءِ باروا جست ءِ پسو ءَ آہاں گوشت کہ حکومت اے اگدھ ءِ سرا اے رنگیں مردمے نہ ایر کن ایت کہ آں وت کرپشن کیسانی تہ ھوار بیت، حکومت شہباز شریف ءِ ابید اے اگدھ ءِ سرا اپوزیشن ءِ کسے ھم دومی باسک ءِ تقرری ءِ سرا چار ءُُ بچار کت کن ایت۔ آہاں گوشت کہ مہلوک پاکستان تحریک انصاف ءِ حکومت ءُُ ھسابداد ءِ کار ءِ پلہ مرزی کنگ انت۔(ن۔ا۔ج)
