اسلام آباد (پاکستان پوائنٹ نیوز10دسمبر 2018ء) صدرمملکت ڈاکٹرعارف علوی ءَ گوشت کہ کرپشن ءِ سرا گرودار ءِ ابید پاکستان دیمروئی کت مہ کن ایت، پاکستان ءِ دیمروئی ءِ راھ ءَ درستاں چہ مستریں اڑاندکرپشن انت۔رودراتکی پاکستان ءِ جتاھی ءِ تہ استحصال چہ گیش کرپشن ءِ دست ات۔آں یک شمبے ءَ ادا ایوان صدر ءِ تہ کرپشن ءِ گرودار ءِ میاں اوستمانی روچ ءِ درگت ءَ برجمیں مراگش ءَ گوں تران کنگ ات۔
صدر مملکت ءَ گوشت کہ ملک چہ کرپشنءِ ھلاسی ءِ دراجیں جدوجہد ءِ تہ آہانی ھم کردار ات،من زانگ ءَ کہ مشرقی پاکستان بنگلہ دیش جوڈ بوت تو مئے دُز مئے ءُُ آہانی دُز آہاں گوں ھوار ات۔ صدرمملکت ءَ گوشتت کہ کرپشن پاکستان ءِ دیمروئی ءِ راھ ءَ درستاں چہ مستریں اڑانڈ انت ،دراجیں وھد ءَ تاں مردمانی تہ کرپشن ءِ باروا حساسیت ودی مہ بوھگ ات۔منءَ وشی انت کہ کرپشن ءِ ھلاسی ءِ دراجیں جدوجہد ءِ تہ منی ھم کرد ات۔
صدر ءَ گوشت کہ کرپشن ات،ھست انت ءُُ باندات ءَ ھم بیت۔ حکومت ءُُ ادارگ کرپشن کم کت کن انت بلے ایشی ءِ سرا سرجمیں وڈ ءَ قابو دارگ باز گران انت۔آہاں گوشت کہ ھداھوفی ءُُ احساس زمہ واری اے رنگیں ھاسیت انت کہ ہمہ کرپشن ءِ ھلاسی ءِ تہ ھاسیں کرد ادا کت کن انت۔مردمانی تہ احساس ءِ ذمہ واری بیت تو تو گڈا کانود ءُُ آمیہدگس ءِ ضلورت نیست انت۔ صدرءَ گوشت کہ حکومت ءُُ حاکم ءَ را ست ءُُ امانتدار بوھگ لوٹ ایت۔آہاں گوشت کہ اگہ کانود بیت ءُُ ایشی ءِ سرا وڈ ءُُ پیم کنگ مہ بیت تو اے کانود ءِ ارزشت کاگد ءِ ٹُکر ءِ ابید ہچ نیست انت۔(ن۔ا۔ج)
