اسلام آباد (پاکستان پوائنٹ نیوز 04 دسمبر 2018ء) مزن وزیر عمران خان ءَ ”ٹیکنالوجی ءِ زانشتی معیشت “ ءِ بابت ءَ ٹاسک فورس ءِ جوڑیشت ءِ منظوری دات۔ اے ٹاسک فورس طاقتوریں زانشتی معیشت ءِ جوڑیشت ءِ واستہ اولی سری کار آنی رد ءَ چار ءُُ تپاس ءُُ گیشینتگیں وھد ءُُ پاس ءُُ دیمروئی کار آنی تچک کنگ ءِ واستہ نگرانی ءِ کار کنگ ءِ واستہ جوڑ کنگ بوھگ ءَ اِنت۔
ٹاسک فورس ءِ تہ ءَ سائنسدان/انجینئرز، جندی شوبگ، بُنجاھی ءُُ صوبائی حکومت آنی نماھندگ ھوار بنت۔ اے بابت ءَ پیسلہ مزن وزیر ءِ سئے شمبے ءَ ڈاکٹر عطاء الرحمن ءَ گوں مزن وزیر کارگس ءَ بوھوکیں گند ءُُ نند ءِ ساھت ءَ کنگ بوت۔ ڈاکٹر عطاء الرحمن ءَ مزن وزیر ءَ را پاک آسٹرین فیچ ہوچ شول ہری پور ءِ جوڑیشت ءِ بابت ءَ دیمروئی کار آنی بابت ءَ سرپد کت۔
آئی ءَ مزن وزیر ءَ را منرل ریسورسز انجینئرنگ، ریلوے انجینئرنگ ءُُ ایگریکلچر فوڈ ٹیکنالوجی ءَ چین ءِ کمک ءَ چہ بُنجاھ ءِ دیمروئی ءِ بابت ءَ ھم سرپد کت۔ مزن وزیر ءَ گوشت کہ ملک ءِ انٹیلیکچول کیپٹل، صنعت کاری ءُُ بنی آدمی آسراتی ءِ دیمروئی ، تیاریں چیز آنی تہءَ گیشی، پیداوار ءُُ کد ءُُ بالاد ءِ تہءَ گیشی حکومت ءِ اولی ترجی یے تہءَ ھوار اِنت ایشی ءَ چہ ملک ءِ ازمکاری آں چہ کمک رسیت۔ آئی ءَ گوشت کہ ملک ءِ ورنا دیم ءِ جنزگ ءُُ نیامی وہائی ٹیک ٹیکنالوجی ءِ شوبگ ءَ پاکستان ءِ دیمروئی ءِ ھوالگ ءَ سک باز ازمکاری گند بیت۔
