ورناہاں را تعلیمی آشوب ءِ وسیلگ ءَ گہتریں باندات چہ ہمگرنچ کنگ بنجاہی حکومت ءِ اولی مشن انت،بنجاہی وزیر منصوبگ بندی،دیمروئی ءُُ گہترکاری مخدوم خسرو بختیار ءِ دیوان ءَ گوں تران

اسلام آباد (پاکستان پوائنٹ نیوز 03 دسمبر 2018ء) بنجاہی وزیر منصوبگ بندی ،دیمروئی ءُُ گہترکاری مخدوم خسرو بختیارءَ گوشت کہ پاکستان وژن 2025ءِ ردا ورناہیں پدریچءَ را وانگی آشوب ءِ وسیلگ ءَ گہتریں باندات چہ ہمگرنچ کنگ بنجاہی حکومت ءِ اولی مشن انت،اَستیں حکومت مقامی تبک ءِ سرا مزنیں تعلیمی ادارگہانی یک نیٹ ورک ہڈ دیان ءَ اُلسی آسراتی ءِ تہ گیشی ءِ راھ ءَ مان انت، وژن 2025ء ِ تہ تعلیمی دیمروئی ءَ را اولی بستار دیئگ بوتگ انت ءُُ پاکستان ءِ دراھیں ضلعہانی تبک ءَ یونیورسٹی ءِ سب کیمپس ءِ ہڈ دیگ دمگی دیمروئی ءِ راھ ءِ سرا یک گام پدر بیت،سرجمیں ملک ءِ تہ تعلیم ءِ شوبگ ءَ را گہتر کنگ ءِ ھاترا استیں حکومت ءَ ملک ءِ تہ یک وڈیں نصاب رائج کنگ ءِ سرا عمل پیرا انت۔

اے ھیالانی درشان آہاں گوستگیں روچ ءَ سنٹرل ڈیویلپمنٹ ورکنگ پارٹی ءِ دیوان ءَ گوں تران کنان ءَ گوشت ات۔دیوان ءِ تہ بنجاہی وزارتانی ءُُ صوبائی محکمانی مزن تکے واکداراں بہر زوراتگ۔دیوان ءِ تہ تعلیم ،میڈیا ءُُ دمگی دیمروئی ءِ باروا منصوبگ پیش کنگ بوتگ ات۔(ن۔ا۔ج)