ملتان (پاکستان پوائنٹ نیوز 03 دسمبر 2018ء) دری کارانی بنجاہی وزیر شاہ محمود قریشی ءَ گوشت کہ پی پی سروک زرداری ءِ کرپشن ءَ چیر دیگ ءَ پہ مزن وزیر عمران خان ءِ سرا کچہ چینی کنگ انت۔راج سرپد انت کہ پی پی راھشون ءَ وتی دور ءِ تہ ملک ءَ را سوگو کت یا وتارا مھکم کتگ،احتساب ءِ وھد اتتکگ تو تحریک انصاف سرا کچہ چینی کنگ بوھگ انت، منی لانڈرنگ ءِ سرا زوت کانود ساچی کنگ بیت ایشی ءِ پدا دری ملک ءَ مڈیانی بہا زورگ ءُُ راجی دولت ءَ درکانودی وڈ ءَ دیم دیوکانی سرا دست مان کتگ بیت۔
ملکی راج دپتر ءَ اولی رند ءَ مزنیں مزنیں لٹیرگانی سرا دست پرینگ بوتگ ہمہ مردماں کہ ملکی ھزانگ لٹ اتگ ءُُ راجی وسیلگانی ردیں کارمرزی کتگ آہانی احتساب کنگ بیت۔اے ھیالانی درشان آہاں گوستگیں روچ ءَ یونین کونسل 42ءِ چیئرمین ملک عباس آرائین ءِ نیمگا چہ وتی شرپ ءَ داتگیں مراگش ءَ گوں تران کنگ ات۔صوبائی اسمبلی ءِ باسکاں میاں طارق عبداللہ ، ملک سلیم لابر، ندیم قریشی ، سبین گل خان، یوسی چیئرمین شیخ طاہر ،ملک لطیف ارائیں، ملک بشیر ارائیں ءِ ھوار دمگ ءِ مزنیں تمندارءِ مردماں ءُُ تحریک انصاف ءِ جہدکاراں مزنیں کساس ساڑی ات۔
آہاں گوشت کہ عمران خان ءِ سروکی ءَ مھکمیں ،گرین ءُُ وشھال پاکستان جوڈ کنگ لوٹ انت۔ حکومت ءِ100روچیں ایجنڈہ ءِ تہ دری کارانی کارگس ءِ کارکردگی باز گہتر ات ایشی ءَ را مزن وزیر عمران خانءُُ بنجاہی کابینہ ءَ ساڑاتگ۔ایشی ءَ چہ پیسر ءَ شاہ محمود قریشی ءَ ملتان ءِ تہ دزگٹیں روچ گوازینگ بوتگ۔آہاں یونین کونسل 26 ءِ تروتاب کتگ اُودا آہاں زوار بھٹی ءِ دادی ءِ بیرانی سرا فاتحہ ونتگ ءُُ حنیف خان ءِ براتءِ بیرانی سرا فاتحہ ونتگ ءُُ دمگ ءِ مردماں گوں گند ءُُ نند کتگ۔
آہاں یونین کونسل 49ءِ تروتاب کتگ اُودا جنرل کونسلر وسیم ءِ پت ءِ بیرانی سرا دلپدردی ءِ درشان کتگ۔ یونین کونسل 22ءِ تروتاب کتگ اودا یوسی 22ءِ ٹکٹ ہولڈر ءُُ چیئرمین امین انصاری ءِ گس ءَ شتگ ات یوسی ءِ مردماں گوں گند ءُُ نند کتگ ءُُ دمگ ءِ جیڈھانی سرا ھبر ءُُ حال کتگءُُ حل ءِ ھاترا حکم جاڑی کتگ ات۔یوسی 15 ٹکٹ ہولڈر و چیئرمین فیاض بلوچ ءِ گس Yبلاک شاہ رکن عالم ءَ شتگ ات اودا وش اتکی مراگش ءَ بہر زوراتگ۔
اے درگت ءَ تحریک انصاف ءِ جہدکاراں مزنیں کچ ءَ بہر زوراتگ۔دری کارانی بنجاہی وزیر شاہ محمود قریشی این اے 157 قادر پور راں ءِ تہ ٹوھیں اھوالکار ءُُ روتاک جنگ ملتان ءِ ریذیڈنٹ ایڈیٹر ظفر آہیر ءِ گس ءَ شتگ ات آہاں گوں مات ءِ بیرانی سرا دلپدری ءِ درشان کتگ ءُُ ھدامرزی ءِ تبکانی برزی ءِ ھاترا دعا کتگ۔صوبائی اسمبلی ءِ باسک ملک مظہر عباس راں ۔پیسریگیں چیئرمین مارکیٹ کمیٹی ملک نسیم راں ۔ چیئرمین پی ایچ اے اعجاز جنجوعہ ءِ ھوار آہیر ھاندان ءِ یک مزنیں کچ ساڑی ات۔دری کارانی وزیر ءَ قادر پور راں ءِ تہ اشرف گجر ءِ برات ءِ آروس ءِ تہ بہر زوری کتگ۔
