گوجرانوالہ (پاکستان پوائنٹ نیوز 03 دسمبر 2018ء) عبدالرزاق داؤد بنجاہی صلاحکار برائے کامرس ،ٹیکسٹائل،انڈسٹری،پروڈکشن اینڈ انوسٹمنٹ ءَ گوشت کہ گوجرانوالہ ءِ انڈسٹری پاکستانءِ تہ باز ارزشت ءِ حامل انت بلے اے شہر ءِ بدبہتی انت کہ گوست ءِ حکومت ءَ اے شہر ءِ انڈسٹری ءَ را آسراتی چہ زبہر کتگ ایشی ءِ آسر ءَ اے شہر ءِ انڈسٹری دیما نہ شتگ ،آہاں گوشت کہ اے شہر ءِ صنعتی ارزشت ءَ را چاران ءَ ادی انڈسٹری ءَ را دراھیں آسراتی ءَ پھجارانت تنکہ سرجمیں دگنیا ءِ تہ گوجرانوالہ ءِ جوڈ کتگیں چیزانی یک برانڈ ءِ دروشم اختیار کن انت،بزنس کمیونٹی ءِ جیڈھاں حل کن ایت تو ملکی معیشت مھکم بیت۔
آہاں گوشت کہ من دراھیں بیئپاری مردماں را گشاں کہ انجینئرنگ سیکٹر ءِ نیمگا بیا انت، انجینئرنگ ءِ تہ باز پوٹنیشل انت،منی سیادی ھم بیئپاری تبک ءَ گوں انت ،بزنس کمیونٹی ءَ کجام جیڈھ انت ءُُ آہاں را کجام وڈ ءَ حل کنگی انت من سرپد انت۔گوجرانوالہ چیمبر آف کامرس ءَ بزنس کمیونٹی ءِ حوالہ چہ ہمہ جیڈھانی گپ جتگ آں دراھیں راستی ءَ مبنی انت۔
من شمارا سدکی دیگ انت کہ اے دراھیں جیڈھاں را چیمبر ءِ صلاح ءِ ردا گیشینگ بیت۔اے ھیالانی درشان آہاں گوجرانوالہ چیمبرآف کامرس اینڈ انڈسٹریءِ تہ تران کنان ءَ گوشت ات۔دیوان ءِ سروکی چیمبر ءِ صدر محمد عاصم انیسءَ کتگ،اے درگت ءَ ٹوھیں نائب صدر شیخ آصف مظفر،نائب صدر مصطفی شکیل ، مجلس عاملہءِ باسکاں ،پیسریگیں صدور حاجی محمد شکیل،ملک ظہیر الحق ،رانا شہزاد حفیظ ،سمیع اللہ نعیم،نواز احمد باجوہ ،صدر لاہور چیمبر آف کامرس الماس حیدر ، عاصم ایاز انچارچ ٹیرف پالیسی انجینئرنگ ڈویلپمنٹ بورڈ، قمرزمان ڈائریکٹر جنرل ٹریڈ ڈویلپمنٹ اتھارٹی آف پاکستان ءِ ھوار بزنس کمیونٹی ءِ مزنیں کچ ساڑی ات۔
