اسلام آباد (پاکستان پوائنٹ نیوز 03 دسمبر 2018ء) بنجاہی وزیر بین الصوبائی ڈاکٹرفہمیدہ مرزا ءَ گوشت کہ مزن وزیر ءِ گرین پاکستان پروگرام ءَ را مہلوک ءُُ حکومت ھواری سوبمند کن انت۔اے ھیالانی درشان آہاں یک شمبے ءَ روز اینڈ جاسمین گارڈن اسلام آباد ءِ تہ پھلانی نماش ءِ موہ ءَ میڈیا ءَ گوں گپ ءُُ تران کنان ءَ کتگ ات۔نماش چارگ ءِ ھاترا اسلام آباد ءُُ راولپنڈی چہ مزنیں کساس ءَ مردم اتکگ ات۔
بنجاہی وزیر ءَ گوشت کہ حکومت ءَ کلین اینڈ گرین پاکستان ءِ ہمہ گام چست کتگ ات آں ستا ءِ لائق انت۔آہاں گوشت کہ کلین اینڈ گرین پاکستانءِ ردا گیشاں گیش درشک جنئگ جوانیں گام انت۔مزن وزیر ءِ گرین پاکستان پروگرام کلائیمیٹ چینج ءِ ھاترا الم انت ،مزن وزیر ءِ اے وژن ءَ را دیما برگ لوٹ ایت۔مہ دراھ ءِ اے وژن بوھگ لوٹ ایت کہ گیشاں گیش پھل جنئگ ءُُ گیش بیج مردماں را دیگ بیت تنکہ پاکستان ءَ را باز وش صورت ءُُ رنگین بیت۔
آہاں گوشت کہ سرجمیں شہران چہ مردم اے نماش ءَ را گندگ ءَ اتکگ ات اے نماش ءَ را سمبرینگ ءِ سرا آرگنائیزرمبارکباتی ءِ لائق انت۔آہاں گوشت کہ مئے ملک باز خوبصورت انت اگہ ہارٹیکلچر ءَ را سپورٹ رسیت ءُُ حکومت اے نیمگا فوکس ءَ کن ایت ءُُ ادا لہتیں ورائیٹی ءِ پھلاں جن ایت تو پاکستان گیش خوبصورت بیت،حکومت نمائشءِ ھوالہ ءَ گوں کتگیں کوشست ستا ءِ لائق انت،پاکستان ءِ سافٹ امیج پیش کنگ ءِ ھاترا اے وڈیں نماش اژدری انت۔مراگش ءِ پدا بنجاہی وزیر ءَ پھلانی اسٹال ءِ تروتاب ھم کتگ۔(ن،۔ا۔ج)
