پیٹرولیم ءِ بنجاہی وزیر غلام سرور خان ءِ ترکمانستان ءِ سفیر ءَ گوں گندء ُ نندءَ گپء ُ تران

اسلام آباد (پاکستان پوائنٹ نیوز 30 نومبر 2018ء) پیٹرولیم ءِ بنجاہی وزیر غلام سرور خان ءِ ترکمانستان ءِ سفیر ءَ گوں گندء ُ نندءَ گپء ُ تران کتگء ُگشتگ کہ ترکمانستان مئے براتیں ملک اِت، پہ آئیءِ خطءَ تاپی منصوبہ گیم چینجر بوتگ۔ اے حیالانی درشانی آئیءَ پاکستان ءَ استیں ترکمانستان ءِ سفیر عتدجان موولاموف ءَ گوں گندء ُ نند کنان ءَ کتگ۔ آئیءَ گشتگ کہ زوت پیٹرولیم ڈویژن ء ُ تاپی پائپ لائن کارپوریشن یک ہاسیں منء ُ گرے ءِ سرءَ دستخط کن اَنت۔

آئیءَ گشتگ کہ تاپیءِ وسیلگءَ پاکستانءَ را 13ملین کیوبک فٹ ءِ گیس پجارینگ بیت ۔ آئیءَ گشتگ کہ پائپ لائن منصوبہ ءِ وسیلگءَ ترکمانستان ، پاکستان ء ُ بھارت ء َرا اوگانستانءِ کشکءَ چہ گیس دنت۔ اے موہءَ آئی ایس جی ایس سی ءِ منیجنگ ڈائریکٹر مبین صولت ہم ساڑی بوتگ۔