اسلام آباد (پاکستان پوائنٹ نیوز 30 نومبر 2018ء) مز ن وزیر عمران خان ءَ بجلی ءِ دُزی ءِ سرءَ تکانسری ءِ درشانی کتگء ُ گشتگ کہ اے گپ سگ اوپار کنگ نہ بیت کہ مردم بل مدے اَں بلے لھتیں مردمانی بجلی دزی کنگءِ سوبءَ لوڈشیڈنگ ء ِ آماچ اَں، سروزیر ء ُ بجلی ءِ وزیر پریس کانفرنس ءِ وسیلگءَ ا ے جیڑہءَ را اُلسءِ دیما پدر کن اَنت ء ُ سرجمیں ملک ءَ بجلی دزی کنگءِ حلاپءَ جاری حکومتی کریک ڈاؤن ءَ آئیءِ کمک حاصل کنگ بیت۔
جمعہءِ روچءَ مزن وزیر عمران خان ءِ سروکی ءَ پاور پڑ ءِ جیڑہ ء ُ جنجالانی سرءَ باستء ُواستءِ ہوالگءَ دیوان بوتگ کہ آہودہ بجلی ءِ دزی ءِ حلاپءَ سرجمیں ملک ءَ کریک ڈاؤن ء ُ پاور سیکٹر ءِ نقصان ءِ دارگ ءِ ہوالگءَ بوتگیں کاراں چہ سرپد کنگ بوتگ۔ دیوانءَ بجلی ءِ وزیر عمر ایوب، خیبرپختونخوا ءِ سروزیر محمود خان ، بجلی ءِ سیکرٹری عرفان علی ، خیبر پختونخوا ءِ دری کارانی سیکرٹری اکرام ، انرجی ٹاسک فورس ءِ سروک ندیم بابر ء ُ مزنیں حکام ہوار بوتگ اَنت۔
