کوئٹہ (پاکستان پوائنٹ نیوز29 نومبر2018ء) بلوچستان اسمبلی نا حلقہ پی بی 26کوئٹہ تھری ٹی 27 اومیت دار پندارکاغد آتے جمع کرفیر، حلقہ ٹی پولنگ 31 دسمبر آمریک، پی بی 47 کیچ تھری نا ضمنی گچین کاری تے کن 12 اومیت دار میدان اٹی ءُ ہراڑکن پولنگ 6 دسمبر آ مریک، صوبائی الیکشن کمشنر نیاز احمد بلوچ نا رداٹ پی بی 26اٹی 27 اومیت دار آک پندار کاغد آتے جمع کرفیر پندارکاغد آتا جانچ پڑتال نا عمل 3دسمبراسکان برجاسلک۔
اومیت دار آتا نظرثانی مروک فہرست 9 دسمبر آآویزاں کننگک، حلقہ ٹی ضمنی گچین کاری 31 دسمبر آمریک، وخت اس کہ پی بی 47 اٹی ضمنی گچین کاری کن تیاریک جاری ءُ۔ حتمی فہرست نا رداٹ گچین کاری کن 12اومیت دار میدان اٹی ءُ، پی بی 47 اٹی بی این پی، نیشنل پارٹی ، بی این پی عوامی، بلوچستان عوامی پارٹی و 8 اومیت دار آزاد حیثیت اٹ بشخ ہلنگ ءُ، حلقہ ٹی ضمنی گچین کاری کن پولنگ 6 دسمبر آ مریک۔
