کیچی بیگ پولیس نا ڈوہدار عنصر آتا برخلاف کریک ڈاؤن نا چرجوئی برجا، موٹرسائیکل دُز دزگیر، کلی کمالوآن اسہ بندغ اس دزگیر، اسہ پشٹول اس دوئی کننگا

کوئٹہ (پاکستان پوائنٹ نیوز28نومبر2017ء) کیچی بیگ پولیس نا ڈوہدار عنصر آتا برخلاف کریک ڈاؤن نا چرجوئی برجا، موٹرسائیکل دُز اس دزگیر، ایس پی سریاب محمد بلوچ نا خصوصی پارت آ و ایس ڈی پی او شالکوٹ سرکل زین عاصم نا چاروکی ٹی ایس ایچ او کیچی بیگ خلیل بگٹی و ہیڈ محرر خدائے دوست راہیجہ، اے ایس آئی محمد قاسم رودینی ایلو پولیس پارٹی تون اوار کارروائی کرسا موٹرسائیکل دُز علی احمد سکنہ کوئٹہ ءِ دزگیر کریر، داکان بیدس اسہ پین کارروائی اسے ٹی اسہ بندغ غلام فرید ولد رحمت اللہ ءِ کلی کمالوآن دزگیر کریر، دوبہ دار آن اسہ دانہ اس 30 بور نا ٹی ٹی پشٹول بیدس لیسن دوئی کننگا۔

مستی جاست وپاست کیچی بیگ پولیس کننگ ءِ۔ داکان بیدس کیچی بیگ سریاب نا الس کیچی بیگ پولیس نا کنڈان ڈوہدار عنصر آتا برخلاف کروک آ کارروائی تا ستاءِ کرسا داڈول نا کارروائی تا چرجوئی بایدے برجاسلے تانکہ کیچی بیگ اٹی ڈوہدار عنصر آتا پورو وڑاٹ خاتمہ مننگ کے۔