وزیراعظم عمران خان نا سرکڑدہ ہی ٹی پاکستان تحریک انصاف نا حکومت بنائی سد دے اٹی ملکی نظام ءِ سہی کرسا گچین و مثبت وڑاٹ حکمرانی نا بنداو ءِ تخانے، پاکستان تحریک انصاف نا باسک بلوچستان اسمبلی مبین خان خلجی نا ”اے پی پی“ تون ہیت وگپ

کوئٹہ (پاکستان پوائنٹ نیوز28نومبر2017ء) پاکستان تحریک انصاف نا باسک بلوچستان اسمبلی مبین خان خلجی پارینے کہ وزیراعظم عمران خان نا سرکڑدہ ہی ٹی پاکستان تحریک انصاف نا حکومت بنائی سد دے اٹی ملکی نظام ءِ سہی کرسا گچین و مثبت وڑاٹ حکمرانی نا بنداو ءِ تخانے، 50 لکھ اُرا تا جوڑ کننگ آن بے اُرا مروک آ بندغ و ضرورت مند آتے چھت نصیب مریک وخت اس کہ آزاد خارجہ پالیسی نا سوب دنیا تون تعلقداری تیٹی گچینی بننگ ءِ، داہیت ءِ او سے شنبے نادے ”اے پی پی“ تون ہیت وگپ کرسا پارے، باسک صوبائی اسمبلی مبین خان خلجی پارے کہ 70 سال انا ویل آتے 100 دے اٹی ایسر کننگ مفک ولے بنجائی حکومت سہی سمت انا تعین ءِ کرینے و معاشی محاذ آ ملک ءِ مون تروک چیلنج آتون مون تننگ کن وزیراعظم عمران خان سعودی عرب، چین و ملائیشیا نا سرسہب دورہ کرے، اوپارے کہ بنجائی حکومت نا سد دے ئی کارکڑد بے مٹ ءِ و وزیراعظم عمران خان نا سرکڑدہ ہی ٹی ملک ءِ مون تروک ویل آتیان نجات ترفک، مبین خان خلجی پارے کہ مستین نا ہیبدار طرز حکمرانی نا سوب آن پاکستان ءِ داوخت آ معاشی و اقتصادی ویل آتا مون تروک ءِ ولے وزیراعظم عمران خان نا سرکڑدہ ہی ٹی پاکستان تحریک انصاف نا حکومت ٹیم ورک و ڈٹ بندی نا کمک اٹ مثبت و تعمیر سوچ اتون نظام ءِ سہی کرسا ملک ءِ شونداری و شونہالی نا کسر آ روان کیک۔