اسلام آباد (پاکستان پوائنٹ نیوز28نومبر2017ء) اسپیکر قومی اسمبلی اسد قیصر تون سے شنبے نادے آپارلیمنٹ ہاؤس اٹی پنجاب اسمبلی نا اسپیکر چوہدری پرویز الٰہی اوڑدہی کرے ہراٹی ملک انا ساڑی آ سیاسی، معاشی و اقتصادی حالیت آتون تین پہ تینی است خواہی نا معاملہ غاتیا گپ و تران کننگا۔ داوخت آ چوہدری پرویز الٰہی تون ہیت وگپ کرسا اسپیکر قومی اسمبلی اسد قیصر پارے کہ پارلیمنٹ نا سوگوی ٹی ہی السی ویل آتا ایسری تخوک ءِ، کانود سازی کن پارٹی وابستگی تیان اینک مرسا کڑد ادا کروئی مریک ، ایوان نا کارروائی ٹی پارلیمانی روایت و قاعدو ضابطہ ءِ ملحوظ خاطر تخنگ المی ءِ۔
ایوان نا تقدس و شرف نا خیال ءِ تخنگ غٹ باسک آتا اجتماعی زمواری ءِ۔ اسد قیصر پارے کہ ملک ءِ مون تروک ویل آتیان کشنگ کن غٹ صوبہ غاتے بنجاتون اواری اٹ خصوصی گام گیج ہرفوئی مریک۔ ملک داوخت آ اسہ مشکل ءُ معاشی دور اسے آن گدرینگ انگ ءِ داتنکی نا مون ءِ توننگ کن مشکل فیصلہ کروئی مریک۔ معاشی تنکی تون مون تننگ کن کفایت شعاری مہم آ جوان وڑاٹ عمل کننگ نا گرج ءِ۔
اوپارے کہ دنیا ٹی ہموقو مک بڑزاکارہ ہرامشکل وخت اٹی ثابت قدم مریر۔ پاکستانی قوم مدام مشکل حالیت آتا سخت مقابلہ ءِ کرینو۔ بنجا و صوبہ غاتے کانود سازی نا کمک اٹ السی وڑنا اہم ویل آتے اولیت بنداو تیا ایسر کننگ نا گرج ءِ۔ بنجا صوبہ غاتے مون تروک ویل آتا ایسری و صوبہ غاتے پورو بااختیار جوڑ کننگ اٹی سنجیدہ ءِ۔ اسپیکر قومی اسمبلی و صوبائی اسمبلی نا نیام اٹ رابطہ غاتے مون آ دننگ نا گرج آ زور شاغا۔
