اسلام آباد(پاکستان پوائنٹ نیوز28نومبر2017ء) زرکاری بورڈ انا چیئرمین ہارون شریف تون جمہوریہ کوریا نا سفیر کویک سنگ یو اوڑدہی کرے۔ زرکاری بورڈ انا کنڈان جاری کروک آ بیان نا رداٹ داڑے زرکاری بورڈ اٹی مروک آ اوڑدہی ٹی چیئرمین زرکاری بورڈ کوریا نا سفیر ءِ قومی معیشت نا چندی بشخ آتے ٹی زرکاری نا دستیاب وارخواہی تیان معلومدار کرے و پارے کہ پاکستان نا حکومت درملکی زرکاری ءِ پورو کانودی و آئینی رکھ فراوان کیک و داڑان دوئی مروک آ کٹیا تا گدریفنگ آہم ہچ ءُ پابندی اس اف۔
چیئرمین زرکاری بورڈ پارے کہ داوخت آ چندی ملک آتیان تعلق تخوک آ کیہی پنی و بھلا کمپنیک پاکستان اٹی سرسہبی اٹ تینا کاروبار ءِ کننگ ءُ۔ اومستی پارے کہ چین پاکستان اقتصادی راہداری ڈٹ(سی پیک) نا رداٹ جوڑ کروک آ خصوصی اقتصادی زون تے ٹی ہندی و درملکی زرکار آتا آسراتی کن ون ونڈو نا آسراتی فراوان کننگ انگ ءِ۔ جمہوریہ کوریا نا سفیر داوخت آپارے کہ کوریانا زرکار آک پاکستان اٹی زرکاری ٹی بھاز است خواہی تخرہ۔
