سبی(پاکستان پوائنٹ نیوز 18 مئی 2018ء) بلوچستان عوامی پارٹی نا مسکوہی بنجائی وزیر سائنس و ٹیکنالوجی و باسک قومی اسمبلی میر دوستین خان ڈومکی کوئٹہ ایف سی مددگار سنٹر آ دہشت گرد آتا جلہو نا ترندی اٹ مذمت ءِ کرسا دا واقعہ ءِ دہشت گرد ی نا بزدلانہ فعل آس گوندانے و پارے کہ دہشت گردداتُورمضان نا مقدس تُو اٹی دہشت گرد ی تیٹی مشغول ء ُ او پارے کہ سیکورٹی فروس آک جوان مردی تون دہشت گرد آتا مقابلہ ءِ کریرو پنچ دہشت گرد ءِ جہنم آسرکریفیر۔
او پارے کہ دہشت گرد آتا ہچ ء ُ دین اس اف و نہ ہی دہشت گرد آکس اس نا رحم نا مستحق ء ُ ۔ اوپارے کہ دہشت گرد آک ایف سی مددگار سنٹر آ بے سہبی جلہو کرسا تینا بزدلی نا درشانی ءِ کریر۔ ولے نن بحیشیت قوم دہشت گردی ءِ چٹفنگ کن اسیجائن۔ہراڑان نن دشمن نا ناپاک عزائم ءِ مِش آٹ ملائیفنہ۔اوپارے کہ دن انگا کارروائی تیان ننا حوصلہ غاک پست مفسہ۔اوپارے کہ سیکورٹی فورس اتا ورناک و آفسراک تینا جان ءِ ندرکرساملک و قوم نا رکھ کن یقینی جوڑکننگءِ ۔
او پارے کہ سیکورٹی فورس نا قربانی تا بدولت اینو صوبہ ٹی امن مسونے، او پارے کہ کلی الماس ٹی دہشت گردآتا برخلاف کرنل سہیل و اے ٹی ایف نا کارندہ تینا جان ندر کننگ آ نن دا شہید آتے سرخ سلام پیش کینہ۔ او پارے کہ قیام امن کن شہید آتا قربانی بے کسر امپسہ۔ (ع ن)
