اسلام آباد(پاکستان پوائنٹ نیوز 15 مئی 2018ء) وزیراعظم آزاد کشمیر راجہ فاروق حیدر خان پارینے کہ امریکہ کشمیر نا ویل و فلسطین ءِ سردخانہ ٹی بٹے۔ امریکہ بھارت و اسرائیل نا پورو پشت پناہی ءِ کننگ ءِ، امریکہ تینا ہدف ءِ فلسطین آن دے ٹکی نیامی ٹی منتقل کرینے۔ مسلمان ملک خاص کر عرب ملک آتے کن سجفنگ نا ہند اسے کہ او ننے ہرانگ دننگ ءُ، بھارت تینے ڈیہہ ٹی انگریز نا جانشین سرپند کیک، کشمیر نا ویل و فلسطین ءِ ایسر کننگ کن غٹ مسلمان ملک خاص کر عرب ملک آتے یکجا مننگ و مقبوضہ کشمیر اٹی انسانی حق انا سنگین خلاف ورزی و بھارتی بیدادی ءِ اقوام متحدہ نا سلامتی کونسل اٹ ہرفنگ نا گرج ءِ، آزاد کشمیر نا الس فلسطینی تا ہم کوپہ سلوک ءُ۔
او سے شنبے نادے داڑے پاکستان انسٹی ٹیوٹ آف پارلیمنٹری سروسز نا کنڈآن سیمینار آن مہمان خاص نا حیثیت اٹ تران کریکہ۔ وزیراعظم آزاد کشمیر پارے کہ کشمیرو فلسطین نا 70سالہ متکن آ جھیڑہ غاتا ایسری ٹی امریکہ اڑاند ءِ۔ امریکہ ہڑتوم آ متکن آ جھیڑہ غاتے سردخانہ ٹی بٹینے و داسہ تینا ہدف ءِ دے ٹکی نیامی منتقل کرینے۔ اوپارے کہ امریکہ بھارت و اسرائیل نا پشت پناہی ءِ کننگ ءِ۔
