ممبئی جلہو آتے ٹی پاکستان اوار ہلو، نواز شریف تینا بیان ءِ پدی ہلے، سینیٹر عبدالرحمان ملک

اسلام آباد (پاکستان نیوزپوائنٹ 14 مئی 2018ء) مسکوہی وزیر داخلہ سینیٹر عبدالرحمان ملک پارینے کہ ممبئی جلہو آتے ٹی پاکستان اوار ہلوکہ، نواز شریف تینا بیان ءِ پدی ہلے ۔ دوشنبے نادے پارلیمنٹ ہاؤس ناپیشن میڈیا تون ہیت وگپ کرسا اوپارے کہ ممبئی جلہو آتے ٹی پاکستان ہچ ءُ صورت اسے اٹ اوار ہلو، بروک آ وخت اٹی اگہ نواز شریف تینا بیان آ برجاسلیس تو اودے اقوام متحدہ و ایف ایف ٹی نا فورم آ بھارت بٹنگ انگ کیک۔ دابابت اودے شاہدی تروئی تمک۔ اوپارے کہ مسکوہی وزیراعظم نواز شریف ءِ ممبئی جلہو آتا بابت بیان ءِ پدی ہلوئی مریک۔ او نان اسٹیٹ ایکٹرز دیر ءِ دابابت ہم اودے بایدے وضاحت کروئی مرے۔