قومی اسمبلی نا دیوان رجب علی بلوچ نا کزیت آ احتراماََ ایجنڈا نا کارروائی نا بیدس ہی ملتوی کننگا

اسلام آباد (پاکستان نیوزپوائنٹ 14 مئی 2018ء) قومی اسمبلی نا دیوان رجب علی خان بلوچ نا کزیت آ احتراماََ ایجنڈا نا کارروائی نا بیدس ہی ملتوی کننگا۔ دوشنبے نادے قومی اسمبلی نا دیوان نا کماشی ءِ کرسا اسپیکر سردار ایاز صادق پارے کہ روایت آتا رداٹ اسمبلی سے نا ساڑی آ باسک نا کزیت آ ایجنڈا نا کارروائی مفک ہنداخاطرآن داسہ ہندا ایجنڈا(اینو) سے شنبے نادے شرہ ٹی اتنگک ، پوسکن ءُ ایجنڈا اس جاری کننگپک۔