اسلام آباد(پاکستان نیوز پوائنٹ 23ستمبر 2016ء) دفتر خارجہ ءِ ترجمان ءَ اقوام متحدہ ءِ جنرل اسمبلی ءِ ساڑی دیوان ءَ مزن وزیر محمد نواز شریف ءِ تران ءِ سرا بھارتی ایراد گیری ءِ سرا سک رد عمل ءِ درشانی کنگ ءَ واضح کرتگ انت کہ پاکستان جموں ءُُ کشمیر ءِ اُلس ءِ گوں اوشتاتگ انت ءُُ آھاں بھارتی تسلط ءَ آجوئی دئیگ ءِ ھاتر ءَ آھانی جہد ءَ سرجمی سفارتی ءُُ سیاسی حمایت دئینت۔
جمعہ ءَ ترجمان ءِ نیمگءَ برجاہ یک بیان ءِ ردا بھارتی حکومتءَ مزن وزیر نواز شریف ءِ اے بیان ءِ سرا ایراد گیری کرتگ انت کہ جموںءُُ کشمیر ءِ مظلوم اُلس ءِ احساسات ءُُ امیت آنی عکاسی کنت۔ مقبوضہ کشمیر ءِ اُلس گوستگیں ہفتاد ساد سال ءَ بھارتی جارحیت، تیر، زلم ءُُ غیر قانودی تسلط ءِ دیمپانی کنگ ءَ انت۔ ترجمان ءَ گشتگ کہ پاکستان جموں ءُُ کشمیر ءِ اُلس ءِ گوں شانہ بشانہ اوشتاتگ انت۔
کشمیری ورنا برہان وانی ءِ اپسوزناک قتل ءَ سجیں کشمیر ءَ مزنیں کساس ءَ احتجاجی مظاہرہ ءِ سلسلہ بندات بوتگ انت کہ آ کشمیری اُلس ءِ نیمگءَ بھارتی تسلط ءَ رد کنگ ءَ واضح ثبوت انت۔ بلے پر امن احتجاجی مظاہرہ ءَ بے رحمی ءِ گوں تیر کاری ءُُ پیلیٹ گن تیر کاری کنگ ءَ نشانگ جوڑ کرتگ انت 80ءَ چہ زیات کشمیری شہید ءُُ ہزار آنی ٹپی بوتگ انت چوشکہ پیلٹ گن ءِ درجن آنی مردم بصارت ءَ محروم بوتگ انت۔ میاں استمانی برات ءَ سلامتی کونسل ءِ بازیں قرار داد آنی ذریعہ ءَ کشمیری اُلس ءِ گوں ھق وت واجہی دئیگ ءِ عہد کرتگ انت بلے ہفت دہائی ءَ پد ہم عہد وفا نہ بوت انت۔
