اسلام آباد(پاکستان نیوز پوائنٹ 22ستمبر 2016ء) صدر مملکت ممنون حسین ءَ گوشت کہ کشمیری اُلس ءِ وت واجئی ءَ را ما گوں پچیں دل بہ مناں گڈا اے پڑے جاور سازگار بنت ءُُ اے وھد ءَ ھلاپی مردم اوزار ءُُ ازباب آناں دمینگ ءَ آں ، ایش بنی آدم آنی گہبود ءِ ھاترا کارمرد کنگ بنت۔ اے پڑ ءَ دراج بُریں ایمنی ءِ ھاترا کشمیر ءِ جیڈھ ءَ را گیوار کنگ المی اِنت ءُُ اے جیڈھ گیواری ءَ ابید اے پڑ ءَ ایمنی واب اِت۔
، اے گپ آئی ءَ پنچ شمبے ءِ رو چ ءَ فاطمہ جناح ویمن یونیورسٹی ءِ چیردستی ءَ ”میاں اوستمانی کانفرنس برائے امن ءُُ سلامتی زرباری ءُُ نیامی ایشیا “ ءِ بُن گپ ءِ سر ءَ ٹوھیں مُچی ءِ بنداتی بھر ءَ گشتانک ءِ تہ ءَ گوشت اَنت۔ کانفرنس ءِ تہ ءَ چیئرمین ھائیر ایجوکیشن کمیشن ڈاکٹر مختار احمد ءُُ وائس چانسلر فاطمہ جناح ویمن یونیورسٹ ڈاکٹر ثمینہ امین قادر ءَ ھم دیوان ءَ را گشتانک دات۔ صدر ءِ مملکت ءَ گوشت کہ اے پڑ ءِ دیمروئی ءُُ وشھالی ءِ ھاترا ، چپ ءُُ چوٹیں نمونگ ءِ کشک ءَ چہ وتارا پھریزگ لوٹیت تانکہ نیامی ایشیا ءُُ جنوبی ایشیا ءِ اُلس ءِ واستہ کمک ءُُ دیمروئی ءِ کار ءِ گوں تُرندی ءَ دیم ءَ بہ جُنز ایت۔
