اسلام آباد (پاکستان نیوزپوائنٹ 26اپریل 2018ء) اسلام آباد ہائی کورٹ ءَ اقامہ کیس ءَ وزیر خارجہ خواجہ محمد آصف ءَ را پارلیمنٹ ءِ باسکی ءِ واستہ نااہل نامینت۔ آدینگ ءِ روچءَ جسٹس اطہر من الله ءِ سروکی ءَ اسلام آباد ہائی کورٹ ءِ سئے باسکی بنچ ءَ 10 اپریل ءَ محفوظ کتگیں پیسلہ دات۔ فیصلہ جسٹس اطہر من الله ءَ ونت ءُُ گوشدارینت۔ تحریک ءِ انصاف ءِ سیالکوٹ ءَ چہ پیسریگیں امیت وار عثمان ڈار ءَ اسلام آباد ہائی کورٹ ءَ خواجہ محمد آصف ءِ ھلاپ ءَ جم کتگیں دزبندی جم کتگ اَنت ایشی ءِ تہ ءَ آئی ءَ گوشتگ اَت کہ وزیر ءِ درئی کار خواجہ محمد آصف ءَ وتی نامینگی کاگد آنی تہ ءَ توامیں مال ءُُ مڈی ءُُ درملکی اقامہ سہرا نہ کتگ اَت ھمے ھاترا آ نااہل نامینگ بہ بیت۔
عثمان ڈار ءِ دزبندی ءَ چہ پیسر جسٹس عامر فاروق ءِ سروکی ءَ سئے کسی بینچ ءَ گوشداری کت پدا ھم ایشی ءَ چہ پد جسٹس میاں گل حسن اورنگزیب ءِ نیمگ ءَ ”معذرت“ ءَ چہ پد جسٹس اطہر من الله ءِ سروکی ءَ نوکیں بنچ ءِ جوڑ کنگ بوت ایشی ءَ ھمک روچ ءِ بنیات ءَ کیس ءِ گوشداری کت۔ پریک آنی دلیل آنی گوش دارگ ءَ پد 10اپریل ءَ پیسلہ ءَ محفوط کنگ بوتگ اَت ایش پنچ شمبے ءِ روچءَ دیگ بوت۔
