اسلام آباد (پاکستان نیوزپوائنٹ 25اپریل 2018ء) وزیر مملکت اطلاعات، نشریات، قومی تاریخ و ادبی ورثہ مریم اورنگزیب پنی آ ٹی وی آرٹسٹ مدیحہ گوہر نا کزیت آ بھلو ڈکھ و افسوز نا درشانی ءِ کریسا پارنے کہ مدھیہ گوہر اداکاری و ڈرامہ نویسی نا بشخ آتیٹی تینا فن و لائخی ءِ منہفینے۔ تینا بیان ٹی وزیر مملکت مریم اورنگزیب پارے کہ مدیحہ گوہر تینا فن ءِ راج نا گیچینی کن سماجی تحریک نا درشم تس و گڈی سااسکان دا مشن آ کار بند سلیس۔
او پارے کہ مدیحہ گوہر اعلی تعلیم یافتہ نیاڑی ئس ۔ ہراراج ٹی مثبت سوچ نا مون آ اتینگ کن گراں قدر کاریم کریے۔ راج خذمت آتا حوالہ اٹ اونا پن مدام زند ہ ئسک، وزیر مملکت مریم اور نگزیب پارے کہ اللہ تعالیٰ ایماندار ءِ تینا جوار رحمت ٹی جا گہ اتیے و پد سلوک آتے صبر جمیل عطا کے۔ (ع ن)
