کوئٹہ(پاکستان نیوز پوائنٹ 20ستمبر 2016ء) گورنربلوچستان محمد خان اچکزئی ءَ گشتگ انتکہ یک ہم چاگردءَ امن ءُُ ایمنی ءِ پائیدار فضا اڈ دئیگ ءَ ابید دیمروی ءُُ وشحالی ءِ مزل ءِ پجارینگ ممکن نہ انت پرچاکہ پائیدار دیمروی ءِ ھاتر ءَ دیریں امن اڈ دئیگ بنیاتی ضلورت انت، آئی ءَ گشتگ کہ امن اڈد ئیگ ءِ ھاتر ءَ بے امنی ءُُ انتہا پسندی ءِ ھلاسی المی انت۔
گورنر بلوچستان ءَ میاں استمانی رود امن ءِ موہ ءَ وتی یک کلہو ءَ گشتگ انتکہ 21ستمبر ءِ روچ ہر سال درتیں دگنای ءَ امن ءِ روچ ءِ ھوالہ ءَ گواین انت اے روچ ءِ مکسد درستیں دگنیا ءِ ملک آنی تہا ءُُ ملک آنی نیام ءَ انتہا پسندی ءُُ بد امنی ءِ ھلاسی ءُُ انسانیت ءِ بقاء ءُُ سلامتی ءِ ھاتر ءَ ھواریں جہد انت۔ آئی ءَ گشتگ کہ اے روچ نہ الما دگنیا ءِ راج ءَ یکجا دارگ ءِ موہ دنت بلکں مذہبی رواداری، حقوق بنی آدمی ءُُ جمہوری اقدار ءِ پاسدار ءَ امن ءُُ آشتی ءَ دراجی بہ رسیت۔
آئیءَ ہر مکتہ فکر ءُُ ھاس کن میڈیا ءِ نمائندگ آنی سرا زور داتگ کہ امن ءِ ھوالہ ءَ اُلسی حمایت ءِ سک ضلورت بیت اے سلسلہ ءَ آئی ءِ اخلاقی ءُُ انسانی فریضہ جوڑ بیت کہ آ شعوری ءُُ فکری پڑ ءَ بدلی آرگ ءِ ھاتر ءَ بنیاتی کرد ادا بہ کنت۔ آئی ءَ گشتگ کہ بد قسمتی ءَ مئے خطہ گوستگیں بازیں عشرہ آں بد امنی ءُُ نا شرکاری ءِ آماچ بوتگ انت آئی ءِ وجہ ءَ خطہ ءِ دیمروی کار ھرابیں وڑ ءَ آماچ بوتگ انت ءُُ اقتصادی دیمروی جمود ءِ آماچ انت۔
نوں وھد آتگ انت کہ اے جمہود ءَ پرشتگ ءِ ھاتر ءَ راجی پڑ ءَ سرجمی ءَ گام گیج بہ زور ات۔ آئی ءَ گشتگ کہ خطہ ءَ امن ءُُ ایمنی ءِ ءُُ نا شرکاری ءِ ھلاسی ءِ ھوالہ ءَ پاکستان ءِ کرد ءُُ قربانی ستائے لائق انت۔ ھستیں بنجاہی ءُُ صوبائی حکومت آنی اُلس دوست پالیسی ءِ وجہ ءَ امن ءُُ ایمنی ءِ جاورال ءَ باز شری کیت انت۔
