اسلام آباد (پاکستان نیوزپوائنٹ 16اپریل 2018ء) کسٹمز ہیلتھ کیئر سوسائٹی ءِ ٹیمب 3 روچی تر ءُُ تاب ءِ ھاترا سندھ ءِ ریکستانی دمگ ءَ پُج ات۔ سوسائٹی ءَ جتا جتائیں دمگ آنی تہ ءَ گریبءُُ نادُراھ آنی مپت ءَ علاج ءِ ھاترا کمیپ جوڑ کت اَنت ایشی ءِ تتہ ءَ دمگ ءَ کساس 2ہزار مریز آنی مپت ءَ درمان ءُُ دارو کنگ ءِ آسراتی رسیت۔ اے گپ کسٹمر کیئر سوسائٹی ءِ صدر ڈاکٹر آصف محمود جاہ (ستارہ امتیاز) ءَ دو شمبے ءَ یک گند ءُُ نندیے ءِ تہ ءَ گوشت۔
آئی ءَ گوشت کہ اے قحط ئی دمگ آنی تہ ءَ دُرستاں چہ پیسر سوسائٹی ءَ ورگی ساپیں آپ پُجارینگ ءِ واستہ کساس 500چات جتگ وھدیکہ گیش 100چات جنگ بیت۔ اے چات 50سال ءَ تاں ادے نندوکیں مردم آنی واستہ ساپیں ءِ پُجاری ءَ کن آں۔ ڈاکٹر آصف محمود جاہ ءَ گوشت کہ لاہور ءِ جہانزیب بلاک ءِ دمگ ءَ اقبال ٹاؤن ءَ یک سرجمیں ہسپتال ءِ باز دیرانت کہ کار کنگ ءَ اِنت وھدیکہ سرجمیں ملک ءَ 32کم ءُُ گیش ڈسپنسری برجا کنگ بوتگ اَنت۔
ایشی ءَ چہ ابدی دھ سکول، دھ کمیونٹی سنٹرر آنی ھرچ ءُُ درچ ءَ ھم سوسائٹی برداشت کنگ ءَ انت۔ میانمار (برما) ءُُ شام ءِ لکھ آنی مسلمان آنی واستہ کمکی چیز ترکی ءَ چہ آماچیں مردم آناں پجارینگ بوھگ ءَ انت۔ ایشی ءَ چہ پیسر دو کروڑ ءُُ نیم کمکی سامان پُجاری کنگ بوتگ۔ ڈاکٹر آصف محمود جاہ ءَ گیش گوشت کہ اے سال رمضان ءِ موہ ءَ گوستگیں سال آنی وڑ ءَ ھاسیں رمضان پیکج ءِ ھم بست ءُُ بند کنگ بوھگ ءَ انت۔ ایشی ءَ چہ ابید مزنیں ائید ءِ موہ ءَ کربانی ءِ گوشت آماچیں مردم آناں دیگ بیت۔ سوسائٹی 1998برجا اِنت ءُُ ویلفیئر ءِ کار کنگ بوھگ ءَ انت ایشی ءِ تہ ءَ سیلاپ ءُُ زمین چنڈ ءِ آماچیں مردم آنی کمک ھم ھوار انت۔
