نیویارک(پاکستان نیوز پوائنٹ 19ستمبر 2016ء) مزن وزیر محمد نواز شریف اقوام متحدہ ءِ جنرل اسمبلی ءِ 71می دیوان ءَ بہر زورگ ءِ ھاتر ءَ باز ھاسیں ترءُُ تاب ءَ نیویارک ءَ سر بوتگ۔ مزن گِس ءَ برجاہ بیان ءِ ردا سیمی بار مزن وزیر ءِ عہدہ سنبھالگ ءَ پد آ جنرل اسمبلی ءِ وتی چارمی تران بہ کنت۔ نیویارک بوھگ ءِ وھد ءَ مزن وزیر 21ستمبر 2016ءَ اقوام متحدہ ءِ جنرل اسمبلی ءِ وتی تران ءَ بازیں ھاسیں میاں استمانی امور ءِ سرا پاکستان ءِ موقف پیش بہ کنت۔
مزن وزیر گوستگیں سال ءِ وڑ ءَ اے بار ہم مسئلہ کشمیر ءِ سرا ھاسیں دیان بہ دنت۔ آ ورنا کشمیری راھشون برہان الدین وانی ءِ ماورائے امیت گِس کشگ ءَ پد مقبوضہ کشمیر ءَ بنیاتی انسانی حقوق ءِ سکیں ھلاپ ورزی ءِ سرا میاں استمانی راھشون آنی توجہ مبذول کنائینتگ۔ بیانءِ ردا مزن وزیر مقبوضہ کشمیر ءِ دیریں مسئلہ ءِ زوت ھل ءِ ضلورت ءِ سرا ہم زور دنت۔
مزن وزیر میاں استمانی برات ءُُ اقوام متحدہ ءَ لوٹ بہ کنت کہ جموں ءُُ کشمیر ءِ اُلس ءِ ھق وت واجہی ءِ ھاتر ءَ کرتگیں عہد ءِ پاسداری بہ کن ات آئی ءِ عہد اقوام متحدہ ءِ سلامتی کونسل ءِ قرار داد آں کرتگ ات۔ مزن وزیر وتی تران ءَ دمگی ءُُ میاں ستمانی امن ءُُ محکمی ءِ ھاتر ءَ پاکستانی کوشست ءِ سرا ہم روژنائی مان کرتگ۔ تر ءُُ تاب نیویارک ءِ تر ءُُ تاب مزن وزیر محمد نواز شریف میاں استمانی راھشون آنی رکھگ، محکم ءُُ معاشی وڑ ءَ دیمروی کنگ ءَ پاکستان ءِ ھوالہ ءَ ہم آگاہ کنت۔
ایشی ءِ گوں ھواری ءَ مزن وزیر راجی، دمگی ءُُ میاں استمانی امن ءُُ سلامتی ، انتہا پسندی ءُُ نا شرکاری ءِ ھلاسی ءِ ھاتر ءَ سلاہ بندیں اُرد قانود نافذ کنوکیں ادارگ، پولیس کارندہ آنی ھواری ءَ اُلس ءِ بے پناہ قربانی آنی سرا ہم روژنائی مان کنت۔ اقوام متحدہ ءِ جنرل اسمبلی ءَ بہر زورگ ءِ گوں ھواری ءَ مزن وزیر وتی برطانوی ہم منصب ترکی ءِ صدر، ایرانی صدر ، جاپان ءِ مزن وزیر، نیوزی لینڈ ءِ مزن وزیر ءُُ اقوام متحدہ ءِ سیکرٹری جنرل بان کی مون ءُُ امریکی وزیر خارجہ جان کیری ءِ گوں ہم گند ءُُ نند کنت۔
اے موہ ءَ مزن وزیر سعودی عرب ءِ ولی عہد نائب مزن وزیر ، نیپال ءُُ رومانیہ ءِ مزن وزیر آنی ھواری ءَ بازیں میاں استمانی راھشون آں گوں گند ءُُ نند کنت۔ مزن وزیر چین پاکستان اقتصادی راہداری منصوبہ آں حقیقت ءِ روپ دئیگ ءِ ھوالہ ءَ پاکستان ءُُ چین ءِ سفارتی کوشست آنی باروا ءَ ہم میاں استمانی راھشون آں آگاہی دنت۔ مزن وزیر محمد نواز شریف وتی جنرل اسمبلی ءِ تران ءِ وھد ءَ پناہ گزین آنی میاں استمانی مسئلہ ءِ سرا پاکستانی موقف ءِ وضاحت ہم کن انت ایشی ءَ ابید مزن وزیر یو ایس پاکستان بزنس کونسل ءِ بند ءُُ بست دیوان ءَ ہم تران کنت۔
