ملک اٹ تہو آن بجلی ودی کننگ نا 15جتا ڈٹ آتا پوروی

اسلام آباد(پاکستان نیوزپوائنٹ 24مارچ2018ء) ملک اٹی تہو آن بجلی ودی کننگ نا 15جتاءُ ڈٹ پورو مسنو ہرافتیان 788.5میگاواٹ شفاف و ہڑزآن بجلی ودی کننگ انگ ءِ۔ متبادل ذرائع آن توانائی نا پیداوار نا مون آ دننگ نا بابت جاری حساب وکتاب نا رداٹ پاکستان اٹی انرجی مکس پالیسی نا رداٹ متبادل ذرائع آن بجلی نا پیداوار آ چکار کننگ انگ ءِ و تہوانا کمک اٹ بجلی ودی کننگ نا نہہ جتا ءُ ڈٹ پوروی نا مرحلہ ٹی ءُ ہرافتا پیداواری کچ 445.8میگاواٹ ءِ۔ پاکستان تیل و گیس آن بیدس متبادل ذرائع آن شفاف و ہڑزآن بجلی نا پیداوار کن جامع گام گیج کننگ ءِ و اینخو نا سال اٹی قومی گریڈ اٹی دہ ہزار میگاواٹ آن زیات بجلی اوار مریک ہراڑآن توانائی نا کاختی نا ویل انا مون ءِ توننگ اٹ کمک رسینگک۔