اسلام آباد(پاکستان نیوزپوائنٹ 19مارچ2018ء) ریئر ایڈمرل عمران احمد پاکستان نیوی نا لاجسٹکس کمانڈنا سروک نا حیثیت اٹ تینا زمواری تے سنبھالا۔ کمانڈ بدلی نا دود پی این ڈاکیا رڈ اٹ اڈ ہلک۔ ہراٹی دزکش مروک آ کمانڈر لاجسٹکس ریئر ایڈمرل ساجد وزیر خان زمواری تے پوسکن گچین مروک آ لاجسٹکس نا حوالہ کرے۔ کمانڈر لاجسٹکس نا حیثیت اٹ ریئر ایڈمرل عمران احمد پاک بحریہ نا غٹ یونٹ، جہاز و اسٹیبلشمنٹس نا لاجسٹک سپورٹ و مرمت و مینٹینینس نا آسراتی تا نگران اعلیٰ مریک۔
دود اٹی پوسکن گچین مروک لاجسٹکس ءِ گارڈ آف آنر پیش کننگا۔ اوکان پد ماتحت یونٹس آتا غٹ سروک آتا پوسکن آ کمانڈر لاجسٹکس تون درستی راستی ءِ کرفنگا۔ دود اٹی پاک بحریہ نا آفیسر ، سیلرز و سویلین ملازم آتا بھلو کچ اس ساڑی ئسر۔
