بلوچستان حکومت ءِ ہارس ٹریڈنگ نا کمک اٹ بِٹنگا، راجہ جاوید اخلاص

اسلام آباد(پاکستان نیوزپوائنٹ 13مارچ2018ء) مسلم لیگ (ن) نا راہشون باسک قومی اسمبلی راجہ جاوید اخلاص پارینے کہ بلوچستان حکومت ءِ ہارس ٹریڈنگ نا کمک اٹ بِٹنگانے۔ سینیٹ نا گچین کاری تیان جمہوری عمل ءِ مون آ دننگا۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ سینیٹ نا گچین کاری تے ٹی اسہ جماعت اسے نا اسہ صوبہ اسے ٹی صوبائی باسک مفننگ نا باوجود سینیٹ نا نشست آتے دوئی کرے، سینیٹ گچین کاری تا عمل پورو مس ولے دا عمل جمہوری وڑاٹ متو بلکن جمہوریت نا نفی مسنے۔ اوپارے کہ بلوچستان صوبہ نا سوگو انگا حکومت ءِ ہارس ٹریڈنگ نا کمک اٹ بِٹنگا، جمہوری عمل ءِ ہراوڑ نسخان رسیفنگا ، اوڑآ غٹ ءِ اعتراض ءِ۔