کمیشن معذوران بل 2018 ء قومی اسمبلی ٹی پیش

اسلام آباد(پاکستان نیوزپوائنٹ 13مارچ2018ء) قومی اسمبلی ٹی قومی کمیشن معذوران بل 2018 ء ءِ پیش کننگا۔ سے شنبے نادے قومی اسمبلی ٹی ڈاکٹر نگہت شکیل خان تحریک پیش کرے کہ قومی کمیشن معذوران بل 2018 ء ءِ پیش کننگ نا موکل تننگے۔ حکومت نا کنڈآن ممتاز تارڑ بل انا مخالفت ءِ کتو۔ ڈاکٹر نگہت شکیل خان پارے کہ معذور بندغ آتا بحالی و اوفتا شرحالی کن گچین گام گیج کننگ نا گرج ءِ دابل آن معذور بندغ آتے کن قومی کمیشن اس جوڑ کننگ مریک۔ ڈاکٹر نگہت شکیل خان ایوان آن موکل ملنگ آ بل ءِ ایوان اٹ پیش کرے۔