سینیٹ گچین کاری ٹی وونٹ آتے سودا کننگ نا دوبہ غاتا جاست وپاست اکن اسہ آزاد ءُ کمیشن اس جوڑ کننگے، شہریار آفریدی

اسلام آباد(پاکستان نیوزپوائنٹ 13مارچ2018ء) پاکستان تحریک انصاف نا باسک قومی اسمبلی شہریار آفریدی پارینے کہ سینیٹ گچین کاری ٹی وونٹ آتے سودا کننگ نا دوبہ غاتا جاست وپاست اکن اسہ آزاد ءُ کمیشن اس جوڑ کننگے و دوبہ غاتا پک مننگ آ سخت سزا تننگے۔ سے شنبے نادے قومی اسمبلی ٹی اعتراضی ٹک آ شہریار آفریدی پارے کہ فیصلہ غاک اسلام آباد اٹی مسرہ ۔ داکان قرارداد اس منظور مرے کہ ہراسٹ سینیٹ گچین کاری ٹی وونٹ ءِ سودا کرینے اودے سخت سزا تننگے۔ ہندن ءُ کانود اس جوڑ کننگے کہ پاکستان نا الس نا ضمیر نا سودا گر آتے سزا تننگے۔