کوئٹہ (پاکستان نیوزپوائنٹ 12مارچ2018ء) کوئٹہ اراضی سکینڈل مسکوہی کمشنر کوئٹہ و مسکوہی ڈپٹی کمشنر کوئٹہ تون اوارمچ آ دوبہہ دارآپیش،ترجمان نیب بلوچستان نا رداٹ دوشمبے ءَ کوئٹہ اراضی سیکنڈل کیس نا سماعت مس ہراٹی مسکوہی کمشنر کوئٹہ قمبر دشتی و مسکوہی ڈپٹی کمشنر کوئٹہ داؤد خلجی تون اوار مچ آ دوبہہ دار آک پیش مسر، نیب نا کنڈان آن اسپیشل پراسیکیوٹرراشد زیب گولڑہ پیروی ءِ کرے ، سماعت نا دوران شاہد اتا بیان اتے قلمبند کریر۔
سماعت 23 مارچ ئس کان ملتوی کننگا، یاد سلے کہ دوبہہ دار آ45 کروڑ نا خرو برد نا دوبہ ءِ ۔ داڑان بیدس میرعلی خیل روڈ ڈوی خوری کیس نا سماعت ، نیب نا کنڈان اسپیشل پراسیکیوٹر راشد زیب گولڑہ احتساب عدالت ون نا جج عبدالمجید نا صر نا عدالت ٹی کیس نا نقل آتے جمع کرفے۔ بروک آ سماعت آ دوبہ دار آ فرد جرم عائد کننگ نا کمان ءِ ، کیس نا سماعت 22 مارچ اسکان ملتوی کننگانے۔
