کوئٹہ (پاکستان نیوزپوائنٹ 12مارچ2018ء) کوئٹہ ترین روڈ مدرسہ گلی ٹی گیس ٹی پریشرو دیر نا کمتی شدت اختیار کرینے، الس باز سخت فریشان ٹی مبتلاءِ ۔ سرجم حوال آتا رداٹ کوئٹہ نا علاقہ ترین روڈ مدرسہ گلی ٹی گیس پریشر مفننگ نا بیربر و کئیی سال آتیہ دیر نا فراوانی معطل ءِ۔ ترین روڑ نا رہنگوآتتون میڈیا تون ہیت گپ کرسا کرے کہ ترین روڈ مدرسہ گلی کوئٹہ نا اسہ اہم ءُ علاقہ ئس ءِ ولے داڑے بندوی اسراتیان مدام محروم تخننگانے۔
ترین روڈ نا رہنگوک آک بڑز کو واکداراتے درخواست تسونے ولے داکنانے ہچ متنگے۔ او فک وزیر اعلی بلوچستان چیف سیکرٹری ،صوبائی وزیر پی ایچ ای آن پرزور خواست کریرکہ ننا علاقہ نا سکول آتا بنا مننگ نا سیزن ءِ ولے دیر و گیس نہ مننگ نا سوب آن چنا ک و نیاڑیک کے بھلو مشکل مون تروکءِ لہذا زوت ئس گیس و دیر آنا فراوانی ءِ یخینی جوڑ کیر۔
