مزن وزیرشاہد خاقان عباسی ءَ گوں سری لنکا ءِ ہائی کمشنر ءِ گند ءُُ نند

اسلام آباد(پاکستان نیوزپوائنٹ 10مارچ2018ء) مزن وزیر شاہد خاقان عباسی ءَ گوں سری لنکا ءِ ہائی کمشنر میجر جنرل (ر) ایل کے جیاناتھ سی پریرا ءَ آدینگ ءِ روچ ءَ ادا گند ءُُ نند کت۔ اے موہ ء ِ سر ءَ مزن وزیر ءَ گوشت کہ پاکستان ءُُ سری لنکا ءِ نیام ءَ توامیں شوبگ آنی تہ ءَ دو نیمگی کمک برجا اِنت ایشرا گیش مھکم کنگ ءِ ضلورت اِنت آئی ءَ گوشست کہ دوئیں ملک آناں سارک فورم ءَ را دمگی کمک ءِ واستہ یک برجائیں پلیٹ فارم ءِ رنگ ءَ برجا کنگ ءِ واستہ یکجا بوھگ ءُُ کار کنگی اِنت۔ مزن وزیر ءَ سری لنکا ءِ سروکی ءِ واستہ نیکیں واھگ آنی درشان ھم کت۔ سری لنکن ہائی کمشنر ءَ شاہد خاقان عباسی ءَ را مزن وزیر ءِ سیٹ ءَ نندگ ءِ مبارکی ھم دات۔