اسلام آباد(پاکستان نیوز پوائنٹ 09ستمبر 2016ء) مزن وزیر محمد نواز شریف ءَ گشتگ انت کہ ملک ءِ دیریں وشحالی ءِ ھاتر ءَ پائیدار دیمروی ہدف ( ایس ڈی جیز) ءِ پجارینگ نا گزیر انت۔ آئی ءَ اے جمعہ ءَ مزن وزیر کا ر گِس ءَ بنجاہی کابینہ ءِ دیوان ءِ پاگواجہی کنگ ءَ مزن وزیر ءِ میاں استمانی حصول ایس ڈی جیز پروگرام ءِ باروا گپت ءُُ تران کنگ ءَ گشتگ۔ نواز شریف ءَ گشتگ کہ پاکستان دگنیا ءَ اول ملک انت آئی ءَ بنجاہی دیمروی ایجنڈا ءِ بہر ءِ پڑ ءَ پارلیمنٹ ءَ ایس ڈی جیز ءِ منظوری گپتگ انت۔
آئی ءَ گشتگ کہ اے پروگرام ءِ ردا کم دیمروی کنوک دمگ آنی سرا ھاسیں دیان دئیگ ءَ بنیاتی جان سلامتی ءُُ وانگءُُ زانگ ءِ شعبہ ءَ ملک ءِ درستیں دمگ ءُُ مہلوک ءَ بروبر موہ بہ دئیت۔ آئی ءَ گشتگ کہ ایس ڈی جیز ءِ شریں کار کنگ ءِ ھاترءَ ھندی آباتی ءَ سرجمیں وڑ ءَ شریدار کنگ لوٹیت۔
