اسلام آباد(پاکستان نیوز پوائنٹ 09ستمبر 2016ء) بنجائی حکومت ملک اٹی رہینگوک اندراج شدہ اوغان مہاجر آتا اڈکننگ ءِ بروک آ سال 31مارچ اسکان ودیکی تسنے۔ جمعہ آ وزیراعظم محمد نواز شریف نا کماشی ٹی بنجائی کابینہ نا دیوان اوغان مہاجر آتیان بابت پروف رجسٹریشن کارڈز و سہ کڑدہ ہی معاہدہ ٹی ودیکی نا منظوری ءِ تس۔ وزیراعظم پارے کہ اوغانک ننا ایلمک ءُ و ننے بھاز دوست ءُ اوفتا آسراتی کن مناسب و ٹھوس گام گیج آتے باوری جوڑ کننگک۔
اووزارت ریاستیں و سیمی علاقہ جاٹ ءِ پارت کرے کہ اوغان مہاجر آتا گڑتی تے مر کننگ کن بنجائی دنگ انا سیاسی جماعت آتا قومی سروک و اوغان نمائندہ غاتون گیشتری بنداو صلابت کننگے۔ وزیراعظم محمد نواز شریف پارے کہ نن دا ہیت انا موکل تفنہ کہ پاکستان اٹی رہینگوک اوغان مہاجر آتے وڑانا وڑاسے ٹی ہراساں کننگے۔ اوننامہمانک ءُ و اوفتا پدی ہِننگ نا ڈٹ جاٹ داوڑاٹ طے کننگک کہ سیم انا ہڑتوم آ کنڈآتیٹی رہینگوک آ خلقت آتا ذہن اٹی غلط تاثر اس ودی مف۔
