اسلام آباد(پاکستان نیوز پوائنٹ 08ستمبر 2016ء) وزیر داخلہ چوہدری نثارعلی خان تون کویت اٹی تعینات پاکستان نا سفیر غلام دستگیر داڑے اوڑدہی کرے، اوڑدہی ٹی پاک کویت تعلقداری و کیہی معاملہ غاتیٹی جاری ہڑتوم آ کنڈآتا کمکاری آ ہیت وگپ کننگا۔ پنچ شنبے آ وزارت داخلہ نا ترجمان نا رداٹ وزیر داخلہ سفیر ءِ پارت کرے کہ کویت اٹی رہینگوک پاکستانی ملک انا میراث ءُ و اوفتا ویل آتا ایسری آ خصوصی توجوہ تننگے۔
اوڑدہی نا وخت آ پاکستان و کویت نا نیام اٹ سرکاری و سفارتی پاسپورٹس آ ویزہ نا استثناء نا ہڑتوم آ کنڈآتا معاہدہ غاہم ہیت وگپ مس۔ وزیر داخلہ پارے کہ پاکستان کویت تون تینا تعلقداری تے بھاز اہمیت ایتک ۔ ترجمان نا رداٹ اوڑدہی نا وخت آ پاکستانی تے کن کویتی ویزہ غاتا اجراء و اوفتے کن ملازمت نا پین وارخواہی ودی کننگ کن کوشست آتیا ہم ہیت وگپ مس۔
