کراچی (پاکستان نیوزپوائنٹ 22 فروری2018ء) پاکستان بحریہ نوکیں ءُُ کزبی کار آئی تہ ءَ جوانیں بلدکاری ءِ ازم ءَ دار وکیں اردی ادارگ اِت ایش ملک ءِ زرّئی سیم سر آئی پاسبانی ءَ کنت۔
کاٹی ءَ چہ پنچ شمبے ءَ جاڑی بوتگیں جار ءِ رد ءَ اے گپ چیف آف نیول اسٹاف ایڈمرل ظفر عباسی ءَ کورنگی ایسوسی ایشن آف ٹریڈ اینڈ انڈسٹری (کاٹی) ءِ صدر طارق ملک ءِ سروکی ءَ کاٹی ءِ یک ڈلے ءَ گوں گند ءُُ نند ءِ ساھت ءَ کت۔ اے موہ ءِ سر ءَ کاٹی ءِ نائب صدر جنید نقی، پیسریگیں صدر زبیر چھایا ءُُ سید فرخ مظہر ھم ساڑی اتنت۔ اے موہ ءِ سرءَ چیف آف نیول اسٹاف ایڈمرل ظفر محمود عباسی ءَ گوشت کہ مھکمیں ءُُ جوانیں معیشت ءَ ابید اِچ ملک ءَ جوڑیشت ءُُ دیمروئی ءِ واب پیلو بوت نہ کن اَنت، پاکستان گران بھائیں قراقدرتی مڈی آں چہ مالا مال اِنت ھمے ھاترا پاکستان ءِ جوڑیشت ءُُ دیمروئی ءِ واستہ مارا دُرستاں یکجا ءُُ یک مُشت بوھگ ءُُ کار کنگی انت۔
آئی ءَ گوشت کہ سی پیک پڑ ءَ یک گیم چینجر ءِ بستار ءَ دار ایت ءُُ پاکستان دیمروئی ءُُ کامیاتی ءِ کشک ءَ ایش بنیاتی کرد ءَ پیلو کنگ ءَ اِنت۔ اے موہ ءَ کاٹی ءِ صدر طارق ملک ءَ گوشت کہ بزنس کمیونٹی اے ملک ءِ صنعت ءُُ تجارتیءَ را ودینگ ءَ جوانیں کرد پیلو کنگ ءَ اِنت ءُُ مدام پاک اُرد ءِ گوما ھمکوپگ اوشتاتگ۔ اے موہ ءِ سرءَ آئی ءَ چیف آف نیول اسٹاف ایڈمرل ظفر محمود عباسی ءَ را کورنگی ایسوسی ایشن آف ٹریڈ اینڈ انڈسٹری ءِ تر ءُُ تاب ءِ دعوت ھم دات۔
