اسلام آباد(پاکستان نیوزپوائنٹ 21 فروری2018ء) پاکستان ء ِ نام ٹیرز فنانسنگ واچ لسٹ ءَ مان کنگ ء ِ امریکی کوشست سوب مند نبوتگ ، پیرس ءَ فنانشل ایکشن ٹاسک فورس (ایف اے ٹی ایف ) ء ِ دیوان ءَ امریکی منگ نامہ ء ِ سرا تپاک نبوتگ ۔دری کارانی وزیر خواجہ آصف ء َ چاگردی رابطہ ء ِ ویب سائٹ ٹوئٹر ء ِ سرا کلہو داتگ ءُْ گشتگ کہ پاکستان ء ِ پلہ مرزی کنوکیں ملکانی منت گپتگ انت ءُُ گشت دیوان ءَ پاکستان ء ِ سرا ناشرکاری ء ِ ٹیگ جنگ ء ِ سرا امریکی کوشست سوب مند نبوت انت۔
معاملہ 3 ماہ ء ِ ھاترا مھتل کنگ بوتگ ءُْ جون ءَ دوبہر ء َ ٹپاس گرگ ء ِ ھاترا شور ءُْ سلاہ دئیگ بوتگ۔ منی لانڈرنگ ء ِ گرودار ء ِ ھاترا ھڈکتگیں میاں اوستمانی نگہوان ادارگ فنانشل ایکشن ٹاسک فورس ءَ 6 روچی ایں فرانس ء ِ بنجاہ پیرس ءَ برجاہ انت۔ چہ آئی ھلاسیءَ 23 فروری ءَ بوتگ اے دیوان ءَ ایف اے ٹی ایف ء ِ بے کساس میان استمانی جہگیراں ابید ، آئی ایم ایف ، عالمی بینک ءِ جہگیر شریک انت ۔
دیوان ءَ پاکستان ء ِ ڈل ء ِ چیر دستی ڈی جی فائنانس مانیٹرینگ یونٹ منصور شاہ کنگ ء َ ات وہدیکہ ھزانگ صلاحکار مفتاح اسماعیل ہم پیرس ءَ ساڑی انت۔ فنانشل ایکشن ٹاسک فورس ء ِ یک میان سرکاری ادراگ انت چہ آئی ء ِ برجاہی 1989 ءَ عمل ءَ اتکگ ات اے ادارگ ء ِ بنکی مول مراد منی لانڈرنگ ء ِ گرودار ء ِ رد ءَ مثبتیں گام گیجانی چست کنگ انت، اے ٹی ایف ء ِ باسکانی سرا 3 سال ءَ پد بیت انت چہ آئی ءَ ٹپاس گرگ بیت انت کہ ادارگ ء ِ سفارشات ء ِ سرا کجام ھم سیمسرا عمل کنگ بوھگ ءَ انت۔ ایف اے ٹی ایف ء ِ 35 باسک انت چہ آہاں امریکہ ، برطانیہ ، فرانس ، جرمنی ءُْ چین ھوار انت۔(ن۔ا۔ج)
