اسلام آباد(پاکستان نیوزپوائنٹ 19فروری2018ء) رائل ملائشین نیوی ءِ چیف ایڈمرل تان سری احمد قمرالزمان حاجی احمد بدرالدین ءَ نیول ہیڈ کوارٹرز اسلام آبادءِ ترء ُ تاب کتگ، پاک بحریہ ءِ سروک ایڈمرل ظفر محمود عباسی ءَ گوں گندء ُنند کتگ۔ نیول ہیڈکوارٹرز سربوھگءَ پاک بحریہ ءِ سروکءَ رائل ملائشین نیوی ءِ چیف ءَ را وش اَتک کتگ۔ پاک بحریہ ءِ دستہ آں ھاسیں مہمان ءَ را سلامی پیش کتگ۔
سلامی ءَ پد ھاسیں مہمان ءِ نیول ہیڈکوارٹرز ءَ استیں پرنسپل سٹاف آفیسرز آں گوں پجّار کتگ۔ ایشی ءَ پد رائل ملائشین نیوی ءِ چیف ایڈمرل تان سری احمد قمرالزمان حاجی احمد بدرالدین ءَ پاک بحریہ ءِ سروک ءَ گوں گندء ُ نند کتگ۔ گندء ُ نند ءِ تہا کسبی امور ءُ دونیمگی بحری شریداری ءِ سءَ ھیالء ُ لیکہ ءِ درشانی کنگ بوتگ۔ دوھیں ملک آنی بحری فوج آنی نیامءَ کمک ءِ بازیں پڑآنی سرءَ چارء ُ بچار کنگ بوتگ۔
ھاسیں مہمان ءَ را کثیر القومی ٹاسک فورس 150ء ُ 151ءِ پاک بحریہ ءِ مزنیں آفیسرآ نی نیمگءَ چہ کمانڈز ءِ بازیں مدتءِ ھوالگءَ معلوم داری ءَ چہ سرپد کنگ بوتگ۔ ایشی ءَ چہ پد رائل ملائشین نیوی ءِ چیف ءَ نیول ہیڈکوارٹرز اسلام آبادءَ شہیدآنی یات گار ءِ سرءَ پھلانی چادر پِرداتگ۔ نیول ہیڈکوارٹرز ءِ ترء ُ تاب ءَ پد ایوان صدر ءَ یک پُرمڈاھیں مراگشے ایر کنگ بوتگ۔
اے مراگش ءِ تہا صدر پاکستان ممنون حسین ءَ رائل ملائشین نیوی ء ِ چیف ایڈمرل تان سری احمد قمرالزمان حاجی احمد بدرالدین ءَ پاکستان ءِ مزن تریں عسکری داد نشان امتیاز (ملٹری) داتگ۔ رائل ملائشین نیوی ءِ چیف ءَ را اے داد پا کستان ء ُ ملیشیا ء ھاس دوھیں ملک آنی بحری فوج آنی نیامءَ براتیں سیادی ءَ را گیش ترند ء ُ مھکم کنگءِ ھوالگءَ آھانی جوانیں اِزمت ء ُ کرد کنگءَ دیئگ بوتگ۔ ترء ُ تاب ءِ دومی بھرءِ تہا ایڈمرل تان سری احمد قمرالزمان حاجی احمد بدرالدین لاہور ء ُ کراچی ءَ نیول فیلڈ کمانڈز ءَ گوں گند ء ُ نند کنت۔ رائل ملائشین نیول چیف ءِ اے ترء ُ تاب دوھیں ملک آنی بحری اُردانی نیامءَ دونیمگی سیادی ءَ را گیش مھکم کنگءِ سوب جوڈ بیت۔
