کوئٹہ ،ہزارہ ٹاؤن ءِ تہ مردمے ءَ تیر کاری کنان وتی لوگبانک ءُُ وسیگ ءَ را کشتگ ءُُ وت کشی کت،پولیس

کوئٹہ(پاکستان نیوزپوائنٹ 14فروری2018ء) کوئٹہ ءِ دمگ ہزارہ ٹاؤن ءِ تہ مردمے ءَ تیر کاری کنان ءَ وتی لوگبانک ءُُ وسیگ ءَ را کشتگ ءُُ پدا وتارا تیر جت وت کشی کتگ۔ پولیس ءِ گوشگ ءِ ردا چار شمبے ءَ کوئٹہ ءِ دمگ ہزارہ ٹاؤن ءِ تہ گِسی جیڈھ ءِ سبب ءَ مردمے ءَ تیرکاری کنان ءَ وتی لوگبانک ستارہ ءُُ وسیگ بختاور ءَ را قتل کت وھدیکہ وتارا تیر جت وتکُشی کرتگ۔ پولیس ھال رسگ ءَ زوت واکیہ جاء ءَ سر بوت جون ءَ را بی ایم سی نادراھ جاء ءَ دیم دات اُودا الم ءِ کارروائی ءَ چہ پدا جون سیالانی ھوالہ ءَ کنگ بوتگ انت، پولیسءَ گیشیں پٹ ءُُ پول بندات کتگ۔ (ن ۔ا۔ج )