کوئٹہ (پاکستان نیوزپوائنٹ15جنوری2018ء) اسپیکر بلوچستان اسمبلی محترمہ راحیلہ حمید خان درانی تون ایشیئن ونیشنل چیز چمپئن و گرینڈ ماسٹر محمو داحمد لودھی داہڑے اونا چیمبراٹی اوڑداہی کرے، اوڑداہی نا وخت آ صد ربلوچستان شطرنج ایسوسی ایشن عبدالعزیز خان خلجی و سینئر صحافی راشد چوہان ہم ساڑی اسک، واوخت آ اسپیکر بلوچستان اسمبلی محمود احمد لودھی کو ایشیئن چمپئن وگرینڈ ماسٹر ناٹائیٹل ءِ کٹننامبارک ترسہ پارے کہ ساڑی حکومت جان جوڑی سرجوڑ اتا مون آدننگ کن کوشش کنیگے۔
او پارے کہ بلوچستان نا خلقت ٹی ٹیلنٹ ناکمتی افک داجاکہ نا لایغ آ ورنا ک نہ بیرہ بلوچستان بلکہ پاکستان نا پنی ءِ پورا دنیا ٹی روشن کیرے۔ شطرنج نا کوائیءِ پین مونا دننگ نا ضرورت ءِ ۔ڈہل دا وخت آ اسپیکر ءِ شطرنج نا کوازی کیر آتا ویل و مشکل اتیان معلو م دار کیرے ہراڑا اسپیکر شطرنج ء مونا دننگ کے پبی ءُ کمک داری نا درشانی ءِ کرے ۔(ع ن)
